ՀՀ նախագահը ԳՇ պետի տեղակալ է նշանակել

ԵՐԵՎԱՆ, 9 օգոստոսի․/Նովոստի-Արմենիա/․ ՀՀ նախագահ Արմեն Սարգսյանը երկուշաբթի ստորագրել է մի շարք հրամանագրեր։

Այսպես, Վահրամ Գրիգորյանը նշանակվել է ՀՀ ԶՈւ 2-րդ բանակային կորպուսի հրամանատար։

Նախագահի մեկ այլ հրամանագրով, Արայիկ Հարությունյանն ազատվել է 2-րդ բանակային կորպուսի հրամանատարի պաշտոնից և նշանակվել Հայաստանի Հանրապետության զինված ուժերի գլխավոր շտաբի հետախուզության գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալ։

Բացի այդ, Առաքել Մարտիրոսյանն ազատվել է  Հայաստանի Հանրապետության զինված ուժերի գլխավոր շտաբի հետախուզության գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալի պաշտոնից։

Հիշեցնենք, որ գեներալ-մայոր Արայիկ Հարությունյանը եղել է 2021թ․-ի փետրվարին հրապարակված ԳՇ հայտարարությունը ստորագրածներից մեկը, որով պահանջվում էր ՀՀ վարչապետ Նիկոլ Փաշինյանի և կառավարության հրաժարականը։

Օգոստոսի 5-ին ՀՀ նախագահի հրամանագրով Ալեքսանդր Ցոլակյանը նշանակվել է 3-րդ բանակային կորպուսի հրամանատար։ Նա այդ պաշտոնում փոխարինեց Գրիգորի Խաչատուրովին, ով ազատվել էր այդ պաշտոնից հուլիսի 8-ից։-0-