ԵՐԵՎԱՆ, 12 նոյեմբերի./ Նովոստի–Արմենիա/. Այսօր առավոտյան տեղի է ունեցել Հանրապետության նախագահ Արմեն Սարգսյանի և վարչապետ Նիկոլ Փաշինյանի հանդիպումը, հաղորդում են ՀՀ վարչապետի և նախագահի մամուլի ծառայությունները:
Քննարկվել է երկրում ստեղծված իրավիճակը:
Ավելի վաղ Փաշինյանը հայտարարել է, որ նոյեմբերի 9–ին Ռուսաստանի և Ադրբեջանի նախագահների հետ ստորագրել է Ղարաբաղում ռազմական գործողությունները դադարեցնելու հայտարարություն։ Այն, մասնավորապես, նախատեսում է լուրջ տարածքային զիջումներ Ադրբեջանին, ռուս խաղաղապահների տեղակայում շփման գծի երկայնքով։
Երբ փաստաթղթի մասին տեղեկատվությունը հրապարակվեց, վրդովված քաղաքացիները ուշ երեկոյան հավաքվեցին կառավարության շենքի մոտ, հետո նրանց մի մասը հավաքվեց ԱԺ–ի մոտ։ Ցուցարարների գլխավոր պահանջը վարչապետ Փաշինյանի հրաժարականն է, նրանք նաև պահանջում են հետ կանչել վարչապետի ստորագրությունը հայտարարության տակից։
Նախօրեին Ազատության հրապարակում տեղի ունեցավ 17 ընդդիմադիր կուսակցությունների հանրահավաքը։ Ոստիկանությունն ու ԱԱԾ–ն բերման ենթարկեցին որոշ ցուցարարների, այդ թվում` քաղաքական գործիչների ու պատգամավորների։ Ավելի ուշ հայտնի դարձավ, որ հանրահավաք կազմակերպած կուսակցությունների առաջնորդներին կանչել են ԱԱԾ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում