ԵՐԵՎԱՆ, 26 մայիսի./Նովոստի–Արմենի/. ՀՀ վարչապետի պաշտոնակատար Նիկոլ Փաշինյանի հայտարարությունները ՀԱՊԿ–ի մասին, որոնք հնչել են խորհրդարանական ժամի ընթացքում, վերցվել են ի գիտություն, խորհրդակցություններին ուղղված աշխատանքը շարունակվում է, ՌԻԱ Նովոստիին հայտարարել է ՀԱՊԿ մամուլի քարտուղար Վլադիմիր Զայնետդինովը։
Загружается новость ... "Лево"
Փաշինյանն այսօր ԱԺ–ում
հայտարարել է. «Ես ուզում եմ ընդգծել, որ այս պահ դրությամբ ՀԱՊԿ գործողությունների արագությունը չի բավարարում, բայց շարունակելու ենք աշխատել այդ ուղղությամբ, քանի որ ես կարծում եմ, որ նախնական մտահղացումը, որն ունի Ադրբեջանը, այս պահի դրությամբ ես չեզոքացված չեմ համարում»։
«Վարչապետի պաշտոնակատար Նիկոլ Փաշինյանի տեղեկատվությունը վերցվել է ի գիտություն։ Աշխատանքը, ըստ ՀԱՊԿ հավաքական անվտանգության խորհրդի նախագահ Էմոմալի Ռահմոնի հանձնարարության, շարունակվում է», – հայտարարել է Զայնետդինովը։
Նա նաև հիշեցրել է, որ երեքշաբթի ՀԱՊԿ գլխավոր քարտուղարի տեղակալ Վալերի Սեմերիկովը պաշտպանության և անվտանգության կոմիտեների նախագահների համակարգող խորհրդակցության նիստի ժամանակ հայտարարել է, որ հայ–ադրբեջանական սահմանին տիրող իրավիճակը պահանջում է շտապ միջոցների ընդունում, առաջին հերթին` քաղաքական–դիվանագիտական բնույթի, ինչպես նաև պետական սահմանի այդ հատվածում սահմանագծման և սահմանազատման իրականացում։–0–
