ԵՐԵՎԱՆ, 1 դեկտեմբերի./Նովոստի–Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը ցույց է տվել «Ֆանտաստիկ» ու մառախլապատ Երևանը` թռչնի թռիչքի բարձրությունից։
«Երևանի երեկվա մառախուղը մոտ 1 կմ բարձրությունից։ Շնորհակալություն Սուրեն Սարգսյանին նման ֆանտաստիկ սիրուն ֆոտոներ անելու համար», – գրել է նա Facebook–յան իր էջում։
Նշենք, որ երեկ և այսօր Երևանում անձրևային ու մառախլապատ եղանակ է։ Սուրենյանի կանխատեսմամբ, Սկանդինավիայի շրջաններից ձմեռ բերող ցիկլոնն այսօրվանից ճանապարհ է ընկնում դեպի Հայաստան ։
Հայպետհիդրոմետի հաղորդմամբ, դեկտեմբերի 1-2-ը շրջանների մեծ մասում սպասվում են տեղումներ, լեռնային շրջաններում՝ ձյան տեսքով: Դեկտեմբերի 3-5-ը սպասվում է առանց տեղումների եղանակ: Քամին՝ հարավ-արևմտյան՝ 3-8 մ/վ:
Օդի ջերմաստիճանը կբարձրանա 2-3, այնուհետև աստիճանաբար կնվազի 3-5 աստիճանով:
Մայրաքաղաք Երևանում դեկտեմբերի 1-2-ը սպասվում է անձրև: Դեկտեմբերի 3-5-ը սպասվում է առանց տեղումների եղանակ։ Այսօր մայրաքաղաքում ցերեկը սպասվում է +9...+11, գիշերը`+3...+5, երկուշաբթի ցերեկային ժամերին կանխատեսվում է +8...+10, գիշերը`0...+2։–0–
Լուսանկարները` Սուրեն Սարգսյանի