«Բացահայտեք Հայաստանը երկնքից». Հայաստանում հոկտեմբերին օդապարիկների փառատոն կանցկացվի

ԵՐԵՎԱՆ, 29 սեպտեմբերի./Նովոստի–Արմենիա/. Երևանում և Գառնիում հոկտեմբերի 13-ից 17-ը կանցկացվի «Discover Armenia from the sky» («Բացահայտեք Հայաստանը երկնքից») օդապարիկների փառատոնը, հաղորդում է ՀՀ զբոսաշրջության կոմիտեն։

Փառատոնին կմասնակցեն շուրջ 20 օդապարիկներ Հայաստանից, Ռուսաստանից, Բրազիլիայից, Բուլղարիայից և այլ երկրներից։
Փառատոնը, մասնավորապես, հնարավություն կտա բացահայտելու Երևանի և Գառնիի իրական գեղեցկությունը երկնքից։

Նախատեսվում է փառոտոնն իրականացնել 2 փուլերով՝ ցուցադրական և մարզական։

Ցուցադրական փուլը իր մեջ ներառում է օդապարիկների ազատ թռիչքներ Գառնիի և Երևանի օդային տարածքում։

Մարզական փուլի ժամանակ յուրաքանչյուր օդապարիկի անձնակազմ պետք է իրականացնի պահանջվող առաջադրանքը, որի արդյունքում կընտրվեն հաղթողներ։–0–