ԵՐԵՎԱՆ, 17 ապրիլի./Նովոստի–Արմենիա/. ԱԺ դահլիճում «Իմ քայլի» և ԼՀԿ-ի միջև «ռազբորկան» շարունակվել է Էդմոն Մարուքյանի աշխատասենյակում, գրում է «Հրապարակը»։
Загружается новость ... "Лево"
Մխիթար Հայրապետյանն այնտեղ է գնացել հաշիվ մաքրելու և պատասխան պահանջելու Մարուքյանից՝ իրեն ուղղված «դու ո՞վ ես» արտահայտության համար:
Թերթին չի հաջողվել մանրամասներ իմանալ, սակայն Մարուքյանն ասել է․ «Չհասկացվածության պահ էր, եկել էր պարզաբանեինք»:
Հիշեցնենք, որ երեկ ԱԺ-ում գարնանային սրացումներ էին, իշխանության և ընդդիմության միջև փոխհրաձգությունն այնքան թեժացավ, որ սկսեցին բացահայտ սպառնալ իրար։ Մխիթար Հայրապետյանն ասաց, որ եթե ընդդիմությունը չփոխի իր ոճը, ապա կփոխեն իրենք․ «Եվ ես չեմ ուզում, որ որևէ մեկը խաբնվի մեր երիտասարդ տարիքին, իսկ «դուխի» հետ կապված՝ առնվազն այս հատվածը պրակտիկորեն ապացուցել է, որ ունի»:
«Ի դեպ, նա վեճով այնքան էր տարվել, որ անտեսեց իր հրավերով ԱԺ-ում կազմակերպված նկարչուհի Նարգիզ Փաշոյանի ցուցահանդեսը: Որևէ պատգամավոր չեկավ ցուցահանդեսին, միայն Նարինե Թուխիկյանը պատահաբար հայտնվեց, և նկարչուհին նրան խնդրեց հայտարարել ցուցահանդեսի բացումը», – գրում է թերթը:–0–