88 տարեկանում մահացել է հոգեբան Էլդա Գրինը

ԵՐԵՎԱՆ, 27 հոկտեմբերի. /Նովոստի–Արմենիա/. Կյանքի 88-րդ տարում այսօր Երևանում երկարատև հիվանդությունից հետո մահացել է հոգեբան, դատաբժշկական փորձագետ, հոգեբանական գիտությունների դոկտոր, պրոֆեսոր, արձակագիր Էլդա Գրինը:

Tert.am –ի հետ զրույցում տեղեկությունը հաստատել է Էլդա Գրինի փեսան` ռեժիսոր Արմեն Էլբակյանը:

Էլդա Գրինը ծնվել է 1928 թվականին Թիֆլիսում։ Ասպիրանտուրան ավարտելով Մոսկվայում`1955 թվականին Գրինը պաշտպանել է թեկնածուական թեզ հոգելեզվաբանության գծով։

Նույն թվականից մինչ օրս հոգեբանություն էր դասավանդում Երևանի պետական համալսարանում։

1968 -ից նաև զբաղվում էր դատահոգեբանական փորձաքննությամբ և համարվում Հայաստանում դատահոգեբանական փորձաքննության հիմնադիրը:

Էլդա Գրինը նաև բազմաթիվ գրքերի հեղինակ է, հանդես է եկել հայերեն և ռուսերեն պատմվածքներով։–0–