ԵՐԵՎԱՆ, 23 հունիսի. /Նովոստի–Արմենիա/. Երևանցիները, հնարավոր է, ազատվեն չարաբաստիկ երթուղային տաքսիներից 2018թ.–ի սկզբին, ուրբաթ ասուլիսի ժամանակ ասաց Սպառողների խորհրդատվական կենտրոնի ղեկավար Կարեն Չիլինգարյանը։
«Հայաստանի տրանսպորտային համակարգը վատագույնն է բոլոր հետխորհրդային երկրների համակարգերից։ Մենք շատ ենք հետ մնում այս ոլորտում։ Միգուցե միևնույն մակարդակի վրա ենք միայն Տաջիկստանի հետ։ Սակայն հիմա արդեն կան տեղաշարժեր։ Եվ ես մեծ հույս ունեմ, որ համակարգն իսկապես կբարեփոխվի, և չեն սահմանափակվի միայն խոստումներով», – ասաց նա։
Загружается новость ... "Лево"
Չիլինգարյանը նշեց, որ Երևանի քաղաքապետարանի տրանսպորտային համակարգի բարեփոխումների հարցերով աշխատանքային խմբի հանդիպումների ժամանակ քննարկվում են արմատական բարեփոխումներ, որոնք կիրականացվեն նաև 2018 թ.–ի սկզբին։
«Մեր քաղաքապետարանը պայմանագիր է ստորագրել WYG International Limited բրիտանական ընկերության հետ, որը մեզ մոտ աշխատանքներ է իրականացնում հասարակական տրանսպորտի ոլորտի բարելավման ուղղությամբ։ Եվ այս կապակցությամբ հրավիրված են մասնագետներ, ովքեր ուսումնասիրում են տրանսպորտային համակարգը։ Նախօրեին հերթական անգամ քննարկվել է չարաբաստիկ երթուղային տաքսիներից ազատվելու հարցը, որոնք այլևս ոչ մի տեղ չեն օգտագործվում ուղևորափոխադրումների նպատակով», – հայտարարեց նա։
Загружается новость ...
"Право"
Նրա խոսքով, քննարկվում են նաև պլաստիկ քարտերի միջոցով տրանսպորտային ծառայությունների դիմաց վճարելու արդիականացված համակարգի ներդրման, ինչպես նաև հասարակական տրանսպորտի երթևեկության հստակ չվացուցակի կիրառման հարցերը։
«Ողջ տրանսպորտը կզինվի GPS նավիգացիոն համակարգով, և ուղևորները կկարողանան հետևել տրանսպորտի ժամանման ժամանակին», – ավելացրեց նա։–0–
