Ոստիկանությունը բերման է ենթարկում ակտիվիստներին Ֆրանսիայի հրապարակում
18.04.2018,
11:31
Ոստիկանական ուժերը բերման են ենթարկում ընդդիմադիր ակտիվիստներին Ֆրանսիայի հրապարակում։
ԵՐԵՎԱՆ, 18 ապրիլի./Նովոստի–Արմենիա/. Ոստիկանական ուժերը բերման են ենթարկում ընդդիմադիր ակտիվիստներին Ֆրանսիայի հրապարակում։
Загружается новость ... "Лево"
«Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության առաջնորդ Փաշինյանն ապրիլի 13–ից Ֆրանսիայի հրապարակում շուրջօրյա հանրահավաքներ է անցկացնում Սերժ Սարգսյանի վարչապետության դեմ։ Հանրահավաքներն ապրիլի 16–ից վերածվել են քաղաքացիական անհնազանդության համաքաղաքային ակցիաների։ Բողոքներն ուղեկցվում են բախումներով ցուցարարների և ոստիկանների միջև, ինչի հետևանքով վնասվածք է ստացել 46 մարդ, այդ թվում` Նիկոլ Փաշինյանն ու 6 ոստիկան։ Երեքշաբթի Փաշինյանը հայտարարեց «թավշյա» հեղափոխության մեկնարկի մասին։
Չորեքշաբթի առավոտյան ցուցարարները փակել են Ֆրանսիայի հրապարակն ու հարակից փողոցները, ինչպես նաև Բաղրամյան պողոտան` ՀՀ վարչապետի նստավայրի մոտ։
Ակտիվիստների մի մասը մնացել է Ֆրանսիայի հրապարակում, որտեղ հիմա ոստիկանությունը բերման է ենթարկում նրանց։
Ոստիկանական շղթան փակել է նաև Մաշտոցի պողոտան։ Ֆրանսիայի հրապարակ են բերվում ոստիկանական նոր ուժեր։
Ապրիլի 17–ին ՀՀ ԱԺ–ն 77 «կողմ» և 17 «դեմ» ձայներով Սերժ Սարգսյանին ընտրեց ՀՀ վարչապետի պաշտոնում։–0–
Պատճենել հղումը
