Պարզվել են նախօրեին ՊՆ մեքենայի վթարի հետևանքով տուժած զինծառայողների անունները. աղբյուր

ԵՐԵՎԱՆ, 16 օգոստոսի. /Նովոստի–Արմենիա/. Հայաստանի քննչական կոմիտեի զինվորական քննչական գլխավոր վարչության 4-րդ կայազորային քննչական բաժնում նյութեր են նախապատրաստվում երեկ՝ օգոստոսի 15-ին, Երևան-Սևան ավտոճանապարհի Հյուսիսային ավտոկայանի մոտ տեղի ունեցած խոշոր ավտովթարի փաստով, որի ժամանակ 17 ժամկետային զինծառայողներ մարմնական վնասվածքներով տեղափոխվել էին «Սուրբ Գրիգոր Լուսավորիչ» բժշկական կենտրոն և ՀՀ ՊՆ զինվորական հոսպիտալ։

ՊՆ մեքենայի վթարից տուժած զինվորներից չորսը ոտքերի ու կոնքի կոտրվածքներ են ստացել, մյուսները՝ սալջարդեր. բժիշկ>>

Shamshyan.com–ի հաղորդմամբ` նյութերի նախապատրաստման ընթացքում պարզվել է վարորդի և վիրավորների ինքնությունը։

Նրանք են՝

1. Էջմիածին քաղաքի բնակիչ, 20-ամյա Վահե Բաղրամյան,
2. Երևանի բնակիչ, 19-ամյա Արտյոմ Իգիթյան,
3. Էջմիածին քաղաքի բնակիչ, 19-ամյա Ռազմիկ Ստեփանյան,
4. Երևանի բնակիչ, 20-ամյա Վազգեն Հայրապետյան,
5. Վարդենիս քաղաքի բնակիչ, 19-ամյա Արշակ Մկրտչյան,
6. Արմավիրի մարզի Փարաքար գյուղի բնակիչ, 19-ամյա Ռուբեն Եղոյան,
7. Շիրակի մարզի Գառնարինջ գյուղի բնակիչ, 19-ամյա Գևորգ Սերոբյան,
8. Մարտունի քաղաքի բնակիչ, 19-ամյա Սերյոժա Պետրոսյան, ով վարել է ավտոմեքենան,
9. Երևանի բնակիչ, 20-ամյա Նարեկ Ջառանյան,
10. Գեղարքունիքի մարզի Երանոս գյուղի բնակիչ, 19-ամյա Հովհաննես Ավոյան,
11. Երևանի բնակիչ, 22-ամյա Էդգար Շահումյան,
12. Երևանի բնակիչ, 19-ամյա Սամվել Սաֆարյան,
13. Ջերմուկ քաղաքի բնակիչ, 19-ամյա Նարեկ Ստեփանյան,
14. Արագածոտնի մարզի Թաթուլ գյուղի բնակիչ, 20-ամյա Հրաչ Այվազյան,
15. Սպիտակ քաղաքի բնակիչ, 19-ամյա Արման Սարմաղոյան,
16. Երևանի բնակիչ, 20-ամյա Տիգրան Սոլևնիկով,
17. Երևանի բնակիչ, 20-ամյա Արթուր Միրզոյան:

ՊՆ մեքենայի վթարից տուժած զինվորներից երեքը ծանր վնասվածքներ են ստացել. վիրաբուժության բաժանմունքի պետ>>
 
Նախօրեին առավոտյան Երևանի Հյուսիսային ավտոկայանի մերձակայքում՝ R&V կոմֆորտ խանութ-սրահի մոտ վթարի է ենթարկվել ՊՆ հաշվեկշռում գտնվող և զինծառայողներ տեղափոխող Sadko մակնիշի ՊՆ 8699 Շ համարանիշի ավտոմեքենան։ Վթարի հետևանքով զինծառայողներ են տուժել։ –0–