ԵՐԵՎԱՆ, 14 մայիսի. /Նովոստի Արմենիա/. Հայաստանի մշակույթի նորանշանակ նախարար Լիլիթ Մակունցը մեկնաբանել է իր նշանակումը, ինչպես նաև այլ նախարարների նշանակումները, ովքեր մինչ այս ծանոթ չէին հանրության լայն շրջանակներին։
ՀՀ նախագահ Արմեն Սարգսյանը մայիսի 12-ին մի շարք նախարարներ է նշականել`ավարտելով կառավարության ձևավորումը:
«Միանշնակ կարող եմ ասել, որ իմ ու կառավարության այլ անդամների նշանակումը անկնալ դարձավ հայ հասարակության համար, սակայն այն, ինչ տեղի ունեցավ Հայաստանում մարտի 31-ից հետո (երբ այն ժամանակ դեռ ընդդիմության առաջնորդ Նիկոլ Փաշինյանը սկսեց բողոքի ակցիաները, խմբգր.) նույնպես անակնկալ էր շատերի համար: Տեղի ունեցածն իր հերթին պահանջում էր տրամաբանական շարունակություն կառավարության աշխատակազմում», - հայտարարել է Մակունցը:
Загружается новость ... "Лево"
Նա նաև նշել է, որ այսօր նրա առաջին աշխատանքային օրն է, քանի որ շաբաթ օրը նշանակումից հետո հնարավորություն չի ունեցել այցելել Մշակույթի նախարարություն ու ծանոթանալ աշխատակիցների հետ:
Լիլիթ Կամոյի Մակունցը ծնվել է 1983թ.-ի նոյեմբերի 7-ին Երևանում:
1990-1999թթ. սովորել է Երևանի 195 միջն. դպրոցում: 1999-2003 թթ. սովորել է Երևանի պետական համալսարանի ռոմանագերմանական բանասիրության ֆակուլտետում, ստացել է բակալավրի աստիճան, այնուհետև նույն ֆակուլտետում 2003-2005թթ. սովորել է մագիստրատուրայում:
2014թ. ստացել է բանասիրական գիտությունների թեկնածուի կոչում: 2015թ.-ի ամռանն անցել է դիպլոմավորված դասընթաց Ամերիկայի Թաֆթս համալսարանի Ֆլետչերի ամառային դպրոցի շրջանակներում:
2005թ-ից մինչ օրս դասավանդում է Հայ-ռուսական համալսարանում:
2016 թթ.-ից պայմանագրային հիմունքով աշխատում է Ամերիկյան խաղաղության կորպուսում:
2018թ.-ի փետրվարին զաղեցրել է Հայ–ռուսական համալսարանի միջազգային կապերի և համագործակցության բաժնի ղեկավարի պաշտոնը:
Հայաստանի լիբերալ կուսակցության անդամ է։ 2017 թ.–ի խորհրդարանական ընտրությունների ժամանակ գտնվել է Հայ ազգային կոնգրեսի համամասնական ցուցակի 59–րդ տեղում։ Ամուսնացած չէ։–0–
