Մարտի 1–ի սպանությունները պետք է բացահայտվեն. Փաշինյան

ԵՐԵՎԱՆ, 24 ապրիլի./Նովոստի–Արմենիա/. Ընդդիմության առաջնորդ Նիկոլ Փաշինյանը հայտարարել է, որ 2008 թ.–ի մարտի 1–ի սպանությունները պետք է բացահայտվեն։

Հայկական ընդդիմությունն` առաջին նախագահ Լևոն Տեր–Պետրոսյանի գլխավորությամբ, որն առաջադրվել էր 2009 թ.–ի փետրվարի 19–ին կայացած նախագահական ընտրություններին և պարտություն էր կրել, փետրվարի 20–ից Երևանի կենտրոնում անցկացնում էր հանրահավաքներ` իր դժգոհությունն արտահայտելով քվեարկության արդյունքների կապակցությամբ։ Բողոքի ակցիաները մարտի 1–2–ը վերածվեցին անկարգությունների և իրավապահների ու ցուցարարների միջև բախումների, որոնց հետևանքով զոհվեց 10 մարդ, ավելի քան 200–ը վիրավորվեց։ Երկրում ստեղծված իրադարձությունների կապակցությամբ մարտի 1–20–ը հայտարարվեց արտակարգ դրություն։

«Դատավարություն կլինի, սակայն ես ոչ դատախազ եմ, ոչ քննիչ։ Պետք է պարզապես ասեմ, որ սպնությունները պետք է բացահայտվեն, և դրանք անպայման կբացահայտվեն», – ասաց նա երեքշաբթի միջազգային լրատվամիջոցների համար կազմակերպված ասուլիսի ժամանակ։

«Չի լինի այնպես, որ մեղավորության կանխավարկած կլինի քաղաքական հակառակորդների համար, իսկ անմեղության կանխավարկած` համախոհների համար։ Մենք կարող ենք շատ բան մտածել շատերի մասին, սակայն մի բան է ինչ–որ բան մտածել, մեկ այլ բան` ապացուցել դա։ Արդար դատավարությունն այն է, երբ դատապարտվում են միայն նրանք, որոնց մեղավորությունն ամբողջությամբ ապացուցված է», – ասաց նա

Այս համատեքստում ընդդիմության առաջնորդը հիշեցրեց, որ Հայաստանի օրենքներով ցանկացած կասկածներ պետք է ներկայացվեն մեղադրյալի օգտին, ոչ ոք չպետք է ապացուցի իր անմեղությունը։

«Հակառակը, եթե կա առիթ, ապա դատախազությունն ու պետական մեղադրող անձը պետք է ապացուցեն մարդկանց մեղավորությունը, և այս սկզբունքը կաշխատի 100%–ով։ Հակառակ դեպքում, այդ փոփոխությունները չեն ունենա իմաստ։ Ի՞նչ իմաստ ունի անել նույն բանը ժողովրդի նման հռչակավոր հաղթանակից հետո», – ասաց Փաշինյանը։

Հայաստանում ապրիլի 13–ից մեկնարկած մասշտաբային բողոքի ակցիաների ֆոնին ապրիլի 23–ին ՀՀ վարչապետ Սերժ Սարգսյանը հրաժարական տվեց։ Նույն օրը ՀՀ նախագահ Արմեն Սարգսյանն ընդունեց կառավարության հրաժարականը։–0–