Հայտնի է ՌԴ–ում Երևան–Մոսկվա ավտոբուսի վթարի նախնական պատճառը

ԵՐԵՎԱՆ, 20 մարտի. /Նովոստի–Արմենիա/. Հայտնի է այսօր Վորոնեժի մարզի Պավլովսկի շրջանում Երևան–Մոսկվա ավտոբուսի վթարի նախնական պատճառը։

Հիշեցնենք, որ մարտի 20–ին ժամը  09:20-ի սահմաններում Երևան-Մոսկվա երթուղին իրականացնող «Mercedes» մակնիշի 308 AF 61 պետհամարանիշով ավտոբուսը ՌԴ Մ-4 «Դոն» միջպետական ավտոճանապարհի 673-րդ կիլոմետրին՝ Վորոնեժի մարզի Պավլովսկ քաղաքի մոտակայքում, բախվել է բեռնատարի։

Ըստ ճշտված տվյալների, զոհվել է ավտոբուսի ուղևորներից մեկը` 1978 թվականի ծնված Ա.Դ. Սուքիասյանը։ ՃՏՊ–ի զոհ է դարձել նաև բեռնատարի վարորդը (1961 թ. ծնված Ն. Սիոնին)։ Կան բազմաթիվ տուժածներ։

Ինչպես հաղորդում է «Ինտերֆաքսը», հղում անելով Վորոնեժի մարզի դատախազությանը, նախնական տվյալներով ՃՏՊ–ի պատճառը դարձել է այն, որ «Mercedes» մակնիշի ուղևորատար ավտոբուսը դուրս է եկել հանդիպակաց երթևեկելի գոտի և բախվել բեռնատարի, որը ուղևորվում էր Դոնի Ռոստով։

ՀՀ ԱԻՆ–ի հաղորդմամբ, ավտոբուսի վարորդները և ուղևորներ՝ 1969 թ. ծնված Դավիթ Սարդարյանը, 1988 թ. ծնված Մելիք Հայրապետյանը, 1982 թ. ծնված Եղիշե Համբարձումյանը, 1964 թ. ծնված Արմեն Մուրադյանը, 1961 թ. ծնված Վարյա Օհանյանը, 1969 թ. ծնված Դավիթ Վերմիշյանը և 1972 թ. ծնված Վազգեն Գևորգյանը հոսպիտալացվել են Պավլովսկ քաղաքի հիվանդանոց, որտեղ Դ. Սարդարյանի, Մ. Հայրապետյանի, Տ. Բաբախանյանի և Ե. Համբարձումյանի առողջական վիճակը բժիշկները գնահատել են ծանր, իսկ մյուսներինը՝ միջին ծանրության:–0–