Առաջիկայում պարզ կլինի, թե ով է Նորք–Մարաշի զինված հանցախմբի պատվիրատուն

ԵՐԵՎԱՆ, 9 հունիսի. /Նովոստի–Արմենիա/. Առաջիկայում պարզ կլինի, թե ով է Նորք–Մարաշի զինված հանցախմբի պատվիրատուն, գրում է «Ժամանակը»։

ՀՀ ԱԱԾ–ն 2015 թ.–ի նոյեմբերի 25–ին տեղեկացրեց Երևանում զինված հանցախմբի վնասազերծման մասին, որի պարագլուխը ՀՀ քաղաքացի Արթուր Վարդանյանն է, ով 1997 թ.–ից բնակվում է Իսպանիայում և 2015 թ.–ի ապրիլից ժամանավորապես գտնվում է Երևանում։ Հայաստանում զինված հեղաշրջման գործով անցնում է 33 մարդ, որոնցից 25–ը կալանավորված են։

Արթուր Վարդանյանի փաստաբան Լևոն Բաղդասարյանը նախօրեին «Ժամանակին» ասել է, որ «քննչական խմբի ղեկավարը տեղեկացրել է հանրությանը, որ թեպետ պատվեր էր իջեցվել՝ կատարել որոշակի գործողություններ, բայց Արթուր Վարդանյանն այդ ծրագիրը չի իրականացրել»։

Փաստաբանի խոսքով՝ Վարդանյանը պատվերը չի իրականացրել ոչ այն պատճառով, որ խումբն ԱԱԾ կողմից ժամանակին վնասազերծվել է։

«Նախաքննության ավարտին հանրությունը կիմանա, թե ով էր պատվիրատուն։ Բոլոր պատասխանները շատ շուտով կստանաք»»,–գրում է թերթը` վկայակոչելով փաստաբանի խոսքերը։ –0–