Վարդավառի տոնախմբությանը մասնակից են դարձել նաև Երևանի հյուրերը (ԼՈւՍԱՆԿԱՐՆԵՐ)

 ԵՐԵՎԱՆ, 3 հուլիսի. /Նովոստի–Արմենիա/. Վարդավառի տոնական միջոցառումներին միացել են նաև մայրաքաղաքի հյուրերը:



Մասնավորապես, Հանրապետության հրապարակի տարածքում կայանված ավտոբուսների զբոսաշրջիկները, նկատելով հարակից շատրվանի մոտ տիրող ջրային երուզեռը, միախառնվել են երևանցիներին ու նույնպես դարձել տոնի անմիջական մասնակիցը: 



Արդեն ամբողջովին թաց հյուրերին երևանցիները ներկայացրել են տոնի բուն խորհուրդը:



Վարդավառին նվիրված համաքաղաքային միջոցառումներն արդեն 4-րդ տարին անընդմեջ ներառվում են Երևանի քաղաքապետ Տարոն Մարգարյանի նախաձեռնությամբ կազմակերպված «Երևանյան ամառ» եռամսյա միջոցառումների ծրագրում, հաղորդում է Երևանի քաղաքապետարանի մամուլի ծառայությունը։