ԵՐԵՎԱՆ, 11 մարտի. /Նովոստի-Արմենիա/. Ռուսաստանը թույլ չի տա, որ որևէ մեկը հարձակվի Հայաստանի վրա, շաբաթ լրագրողներին ասաց Արևելագիտության ինստիտուտի գիտական ղեկավար, ակադեմիկոս Վիտալի Նաումկինը՝ մեկնաբանելով հայ հասարակության դժգոհությունը՝ կապված Ռուսաստանի կողմից Ադրբեջանին զենք վաճառելու հետ:
«Սա շատ սուր հարց է, որն անհասկանալի է մեր հայ ընկերների համր: Սակայն մենք ապրում ենք հետխորհրդային տարածքում, որտեղ Ռուսաստանի ռազմավարական գիծը կայանում է այս տարածաշրջանում գտնվող բոլոր պետությունների հետ ընկերական հարաբերություններ պահպանելու մեջ», - նշեց Նաումկինը Երևանում ընթացող «Վալդայ» միջազգային բանավեճի ակումբի արտագնա նիստից հետո կայացած լրագրողների հետ զրույցում:
Նրա խոսքով, լիովին բացառված է, որ Ռուսաստանը ձեռնարկի այնպիսի քայլեր, որոնք կարող են վնասել Հայաստանին:
«Շուկայում այսօր կարելի է ցանկացած զինամթերք գնել: Այո, Ադրբեջանի և Ռուսաստանի միջև ռազմատեխնիկական համագործակցություն կա, սակայն այն զսպող գործոն է, որպեսզի զենքը չկիրառվի ոչ Լեռնային Ղարաբաղի, ոչ էլ Հայաստանի դեմ», - ասաց Նաումկինը։
Նա հիշեցրեց, որ բոլոր բոլոր պետություններն էլ ազատ քաղաքականություն են վարում զենքի շուկայում՝ հաշվի առնելով այն հանգամանքը, որ ռազմավարական հարաբերություններ ունեն այն գործընկերների հետ, որոնց աջակցում են:
«Որևէ մեկը չի կարող այսօր հերքել, որ Ռուսաստանը Հայաստանի անվտանգության և էներգակիրների մատակարարն է: Ռուսաստանը երբեք թույլ չի տա, որ Հայաստանին վնաս հասցվի, որ որևէ մեկը հարձակվի Հայաստանի վրա: Ով էլ հարձակվի ՀՀ վրա, Ռուսաստանը կպաշտպանի նրան»,- ասաց Նաումկինը:
Նրա կարծիքով, դա անմիջապես անիրական է դարձնում մնացած ամեն ինչ:
«Իսկ ինչ վերաբերում է Ղարաբաղին, արդյոք Ռուսաստանը չէ՞ր, որ հանդես եկավ որպես 1994 թ.-ի զինադադարի նախաձեռնող, Ռուսատանը չէ՞, որ փաստացիորեն Միսնկի խմբի շարժիչն է: Մենք հետարքրքված ենք, որ ղարաբաղյան հակամարտությունը լուծվի և որպեսզի չլինի ոչ մի սադրանք, որը կկարողանա նորից բոցավառել պատերազմի կայծը», - ընդգծեց Նաումկինը:
«Վալդայ» միջազգային բանավեճի ակումբի արտագնա նիստը, որն անցկացվում է «Փոփոխությունների ժամանակը. աշխարհը համաշխարհային անկանխատեսելիության մեջ» թեմայով, տեղի է ունենում շաբաթ Երևանում: -0-
