Արծվիկ Մինասյանը, կարծես, հրաժեշտ կտա իր պաշտոնին

ԵՐԵՎԱՆ, 10 ապրիլի./Նովոստի–Արմենիա/. Հայտնի է, որ կառավարության հրաժարականից ու վարչապետի փոփոխությունից հետո որոշ նախարարներ հրաժեշտ են տալու իրենց պաշտոններին, գրում է «Ժամանակը»։

Թերթին հասած տեղեկություններով՝ գնացող նախարարների թվում է նաև բնապահպանության նախարար Արծվիկ Մինասյանը:

«Այս ամիսներին նրա պաշտոնավարումից դժգոհություններ կան, նա ոլորտին չի տիրապետում», – նշում են հոդվածի հեղինակները։

«Նախարարությունում շրջանառվող լուրերի համաձայն՝ հնարավոր է նորից վերադառնա Արամայիս Գրիգորյանը, թեև այդ պորտֆելը կոալիցիոն գործընկեր Դաշնակցությանն է պատկանում», – գրում է թերթը։–0–