ԵՐԵՎԱՆ, 27 ապրիլի. /Նովոստի–Արմենիա/. Ուիմբլդոնի մրցաշարի կազմակերպիչներն արգելված իրերի ցանկում են ներառել նաև ինքնալուսանկարի համար նախատեսված ձողերը, հայտնում է Р-Спорт–ը` հղում անելով London Evening Standard–ին։
Այս տարի «Մեծ սաղավարտ» մրցաշարը կանցկացվի հունիսի 29-ից հուլիսի 12-ն ընկած ժամանակահատվածում։
«Ինչպես բազմաթիվ մարզական ու հասարակական միջոցառումների ժամանակ, այս մրցաշարի ընթացքում նույնպես կազմակերպիչներն արգելում են սելֆիի «փայտիկներ» բերել»,– նշված է մրցաշարի տոմսերի վրա։
AELTC ներկայացուցիչն ասել է, որ այս որոշումը պայմանավորված է այն հանգամանքով, որ այդ ձողերն առաջին հերթին խանգարում են վայելել մրցաշարը և հետո նյարդայնացնում են երկրպագուներին։-0-
