Ըմբշամարտիկ Արթուր Ալեքսանյանը Հայաստանի 2014 թվականի լավագույն մարզիկ է ճանաչվել

ԵՐԵՎԱՆ, 11 դեկտեմբերի. /Նովոստի–Արմենիա/. Հունահռոմեական ոճի ըմբշամարտիկ, Աշխարհի ու Եվրոպայի չեմպիոն Արթուր Ալեքսանյանը 2014 թվականի լավագույն մարզիկ է ճանաչվել հանրապետության մարզական լրագրողների ֆեդերացիայի հարցման համաձայն։

Երկրորդ տեղն է զբաղեցրել հունահռոմեական ոճի ըմբշամարտիկ, Աշխարհի չեմպիոն Արսեն Ջուլֆալակյանը (270 միավոր), իսկ լավագույն եռյակը եզրափակել է ծանրամարտիկ Ռուբեն Ալեքսանյանը:

2014 թվականի Հայաստանի լավագույն մարզիկների 10-յակը`

1. Արթուր Ալեքսանյան, հունահռոմեական ոճի ըմբշամարտիկ,

2. Արսեն Ջուլֆալակյան, հունահռոմեական ոճի ըմբշամարտիկ,

3. Ռուբեն Ալեքսանյան, ծանրամարտիկ,

4. Գրիգոր Գրիգորյան, ազատ ոճի ըմբշամարտիկ,

5. Վանիկ Ավետիսյան, ծանրամարտիկ,

6. Հովհաննես Դավթյան, ձյուդո,

7. Տիգրան Կիրակոսյան, սամբո,
8. Մավրիկ Նասիբյան, սամբո,

9. Արթուր Դավթյան, մարզական գիմնաստիկա,

10. Գարիկ Բարսեղյան, ազատ ոճի ըմբշամարտիկ։

Տարվա լավագույն թիմ է ճանաչվել հունահռոմեական ոճի ըմբշամարտի Հայաստանի հավաքականը։

Արթուր Ալեքսանյանը հայ ամենատիտղոսավոր ըմբշամարտիկներից է։ 2014 թվականի աշխարհի չեմպիոն, Լոնդոնի օլիմպիադիայի արծաթե մրցանակակիր, Բուդապեշտում 2013 թվականի աշխարհի առաջնության, Կազանի ունիվերսիադայի և 2011 թվականի Դորտմունդի Եվրոպայի առաջնության արծաթե մեդալակիր։ Ոսկե մեդալներ է նվաճել 2012 թվականին Բելգրադի, 2013 թվականին` Թբիլիսիի և 2014 թվականին` Վանտաայի եվրոպական առաջնություններում։  -0-