Հայաստանի հավաքականի առաջատարներ Յուրա Մովսիսյանն ու Հենրիխ Մխիթարյանը հրավիրվել են մասնակցելու պորտուգալացիների հետ հանդիպմանը

ԵՐԵՎԱՆ, 28 հոկտեմբերի. /Նովոստի-Արմենիա/. Հայաստանի ֆուտբոլի հավաքականի գլխավոր մարզիչ, շվեյցարացի մասնագետ Բեռնար Շալանդը ուսումնամարզական հավաքի է հրավիրել 17 լեգեոներների, հաղորդում է ՀՖՖ-ի մամուլի ծառայությունը:

«Հայաստանի հավաքականը նոյեմբերի 14-ին պորտուգալացիների հետ կայանալիք հանդիպումից առաջ նոյեմբերի 10-12-ը Երևանում ուսումնամարզական հավաք կանցկացնի», - հաղորդում է ՀՖՖ_ի մամուլի ծառայությունը:

Շալանդը հրավիրել է հետևյալ խաղացողներին՝

Ռոման Բերեզովսկի «Դինամո» (Մոսկվա, Ռուսաստան),
Հովհաննես Համբարձումյան «Վարդար» (ՆՀՀ Մակեդոնիա),
Լևոն Հայրապետյան «Պրիբրամ» (Չեխիա),
Հրայր Մկոյան «Էսթեղլալ» (Իրան),
Ռոբերտ Արզումանյան «Ակտոբե» (Ղազախստան),
Հենրիխ Մխիթարյան «Բորուսիա» (Դորտմունդ, Գերմանիա),
Էդգար Մանուչարյան «Ուրալ» (Ռուսաստան),
Գևորգ Ղազարյան «Օլիմպիակոս» (Հունաստան),
Նորայր Ասլանյան «Ալմերե Սիթի» (Հոլանդիա),
Ռումյան Հովսեփյան «Մետալուրգ» (Դոնեցկ, Ուկրաինա),
Արթուր Եդիգարյան «Կայրաթ» (Ղազախստան),
Արտակ Դաշյան «Վարդար» (ՆՀՀ Մակեդոնիա),
Մարկոս Պիզելլի «Ակտոբե» (Ղազախստան),
Արթուր Սարկիսով «Վոլգա» (Ռուսաստան),
Յուրա Մովսիսյան «Սպարտակ» (Մոսկվա, Ռուսաստան),
Արտյոմ Սիմոնյան «Զենիթ» (Ռուսաստան),
Ալեքսանդր Կարապետյան «Դյուդելանժ» (Լյուքսեմբուրգ)։

Ըստ հաղորդագրության, Հայաստանի ազգային հավաքական է հրավիրվել նաև Կառլեն Մկրտչյանը, ով այլևս չի հանդիսանում Դոնեցկի «Մետալուրգի» ֆուտբոլիստ և այս պահին մարզվում է Երևանի «Փյունիկ» ակումբում: Հայաստանի ազգային հավաքականի՝ Հայաստանի առաջնությունում հանդես եկող ֆուտբոլիստների ցուցակը կհրապարակվի ավելի ուշ:-0-