«Բանանց»- «Սանտա Կոլոմա» հանդիպման հաղթողը Չեմպիոնների լիգայի երկրորդ փուլում ուժերը կչափի «Մակկաբիի» հետ

ԵՐԵՎԱՆ, 23 հունիսի. /Նովոստի-Արմենիա/. Շվեյցարիայի Նիոն քաղաքում կայացած վիճակահանության արդյունքում հայտնի դարձավ, որ «Բանանց» (Հայաստան) - «Սանտա Կոլոմա» (Անդորրա) հանդիպման հաղթողը Չեմպիոնների լիգայի երկրորդ փուլում ուժերը կչափի Իսրայելի «Մակկաբի» թիմի հետ:

Եվրոպայի ամենահեղինակավոր ակումբային մրցաշարի երկրորդ ընտրական փուլի վիճակահանության արդյունքները հետևյալ տեսքն ունեն՝

ԲԱՏԵ (Բելառուս) - «Սկենդերբեու» (Ալբանիա),

«Մակկաբի» (Թել Ավիվ, Իսրայել) - «Սանտա Կոլոմա» (Անդորրա)/«Բանանց» (Հայաստան),

«Դինամո» (Թբիլիսի, Վրաստան) - «Ակտոբե» (Ղազախստան),

«Զրինսկի» (Բոսնիա և Հերցեգովինա) - «Մարիբոր» (Սլովենիա),

«Շերիֆ» (Մոլդովա) - «Սուտյեսկա» (Մոնտենեգրո),

«Սպարտա» (Պրահա, Չեխիա) - «Լա Ֆիորիտա» (Սան Մարինո)/«Լևադիա» (Էստոնիա),

«Մալմե» (Շվեդիա) - «Վենտսպիլս» (Լատվիա),

«Սելթիկ» (Շոտլանդիա) - «Ռեյկիավիկ» (Իսլանդիա),

«Քլիֆտոնվիլ» (Հյուսիսային Իռլանդիա) - «Դեբրեցեն» (Հունգարիա),

«Պարտիզան» (Սերբիա) - «Լինքոլն» (Ջիբրալթար)/«Տորսխավն» (Ֆարերյան կղզիներ),

«Լեգիա» (Լեհաստան) - «Սենթ Պատրիքս» (Իռլանդիա),

«Ռաբոտնիչկի» (Մակեդոնիա) – ԽԻԿ (Ֆինլանդիա),

«Դինամո» (Զագրեբ, Խորվաթիա) - «Ժալգիրիս» (Լիտվա),

«Լուդոգորեց» (Բուլղարիա) - «Դյուդելանժ» (Լյուքսեմբուրգ),

«Վալետա» (Մալթա) - «Կարաբախ» (Ադրբեջան),

«Ստրեմսգոդսետ» (Նորվեգիա) - «Ստյաուա» (Ռումինիա),

«Սլովան» (Սլովակիա) - «Նյու-Սեյնթս» (Ուելս):

Մրցաշարի առաջին ընտրական փուլում առաջին անգամ կխաղա Ջիբրալթարը ներկայացնող «Լինկոլն» թիմը: Սեփական հարկի տակ հանդիպումներով մրցաշարը սկսում են այն թիմերը, որոնց անունները գրված են առջևից:

Առաջին ընտրական փուլի հանդիպումները տեղի կունենան հուլիսի 1/2- ին և 8/9-ին, երկրորդ ընտրական փուլի հանդիպումները՝ հուլիսի 15/16-ին և 22/23-ին, հաղորդում է ՌԻԱ Նովոստին:-0-