Պավել Դացյուկն ու Վլադիմիր Տարասենկոն չեն օգնի Ռուսաստանի հոկեյի հավաքականին աշխարհի առաջնության ժամանակ. ՌՀՖ

ԵՐԵՎԱՆ, 30 ապրիլի. /Նովոստի–Արմենիա/. ԱՀԼ–ի «Դեթրոյթ Ռեդ Ուինգս» ակումբում հանդես եկող հարձակվող Պավել Դացյուկը և «Սենթ Լուիս Բլյուզ» թիմի հոկեյիստ Վլադիմիր Տարասենկոն չեն գա Ռուսաստանի հոկեյի հավաքական` Մինսկում կայանալիք աշխարհի առաջնությանը մասնակցելու համար, հաղորդվում է Ռուսաստանի հոկեյի ֆեդերացիայի (ՌՀՖ) պաշտոնական կայքում։

Երեքշաբթի լույս չորեքշաբթի գիշերը երկու ակումբների գլխավոր մենեջերները ՌՀՖ հատուկ նամակներ են հղել։ «Դեթռոյթ Ռեդ Ուինգս» ակումբի ղեկավար Քեն Հոլանդը տեղեկացրել է, որ Դացյուկը Սոչիի օլիմպիադային մասնակցել է ծնկի վնասվածքով, ինչի հետևանքով օլիմպիադայի ավարտից հետո բաց է թողել կանոնավոր առաջնության մեկ ամիսն ու ԱՀԼ–ի փլեյ–օֆին մասնակցել է ոչ 100 տոկոսանոց մարզավիճակում։ Առաջիկա մի քանի շաբաթվա ընթացքում ակումբի բժիշկները կորոշեն, թե արդյոք 35–ամյա ռմբարկուն ծնկի վիրահատության կենթարկվի՞, թե՞ կսահմանափակվի չորս ամիս տևող վերականգնողական շրջանով` առանց վիրահատության, հաղորդում է «ՌԻԱ Նովոստին»։

«Սենթ Լուիս Բլյուզ» թիմի գլխավոր մենեջեր Դուգ Արմսթրոնգը տեղեկացրել է Տարասենկոյի մատի վնասվածքի մասին, որի պատճառով առաջիկա երկու–երեք շաբաթվա ընթացքում ռմբարկուն կրելու է հատուկ ֆիքսող սարք և մշակելու է ձեռքը ակումբի բժիշկների հսկողությամբ։–0–