ԵՐԵՎԱՆ, 29 ապրիլի. /Նովոստի–Արմենիա/. «Սպարտակում» այժմ հոգեբանական ծանր վիճակ է ստեղծվել, հայտարարել է Հայաստանի հավաքականի և «Սպարտակի» հարձակվող Յուրա Մովսիսյանը ռուսական պրեմիեր լիգայի 27–րդ փուլում սեփական հարկի տակ «Կուբանին» 0։2 հաշվով պարտվելուց հետո։
«Անշուշտ, թիմում հոգեբանական ծանր վիճակ է, շատ դժվար ժամանակ է ակումբի համար։ Մեզ պետք է սկսել ամենասկզբից, բայց միաժամանակ մեզ դժվար է հոգեբանորեն վերականգնվել, օրեցօր դա ավելի դժվար է դառնում։ Ակնհայտ է, որ մենք պարտավոր ենք հաղթահարել այդ վիճակը»,– Մովսիսյանի խոսքն է մեջբերում Sports.ru–ն։
Նա ավելացրել է, որ չի ցանկանում խոսել այն մասին, թե ինչ խոսակցություն է եղել թիմում հանդիպումից հետո։
27 փուլերից հետո «Սպարտակը» 44 միավորով զբաղեցնում է հինգերորդ տեղը` 15 միավորով հետ մնալով առաջատար «Զենիթից» ։ -0-
