Հայաստանի հավաքականը Եվրո-2016 դուրս գալու ներուժ ունի. մարզիչ
ԵՐԵՎԱՆ, 10 մարտի. /Նովոստի–Արմենիա/. Հայաստանի հավաքականը Ֆրանսիայում կայանալիք Եվրո-2016–ի եզրափակիչ փուլ դուրս գալու ներուժ ունի, կարծում է հայկական թիմի գլխավոր մարզիչ Բեռնար Շալանդը։
ՀՖՖ գործադիր կոմիտեն մարտի 10–ին Հայաստանի հավաքականի գլխավոր մարզչի պաշտոնում հաստատել է շվեյցարացի մասնագետ Բեռնար Շալանդին, ով կպատրաստի հավաքականը Եվրո-2016–ի ընտրական փուլին։ Շալանդի հետ պայմանագիրը ստորագրվել է Եվրոպա-2016 թվականի առաջնության ընտրական փուլի ավարտից առաջ, իսկ հավաքականի հաջող խաղի դեպքում այն կերկարացվի։
«Հայաստանը մեծ ներուժ ունի և կարող է հասնել այդ նպատակին»,– իր առաջին ասուլիսի ընթացքում ասաց Շալանդը։
Հայկական հավաքականը զբաղեցնում է ՖԻՖԱ–ի ընթացիկ վարկանիշի 30–րդ տեղը։ Եվրոպա-2016 առաջնության ընտրական փուլում կխաղա Պորտուգալիայի, Ալբանիայի, Սերբիայի և Դանիայի թիմերի հետ։
Ինչ վերաբերում է խմբային հակառակորդներին, ապա գլխավոր մարզիչը նշեց, որ բավականին ուժեղ են, և հատկապես նշեց Պորտուգալիայի, Սերբիայի և Դանիայի հավաքականները։
Նա միաժամանակ ասաց, որ Հայաստանի հավաքականն արդեն խաղացել է դանիացիների հետ և հաղթել է նրանց, ինչպես նաև հույս է հայտնեց, թե Ռոնալդուի վնասվածքը կխանգարի, որ նա խաղա հայերի հետ։
Շալանդը նաև խոսեց Հայաստանի առաջնության վերաբերյալ։ Նա նշեց, որ առաջնությունը վատը չէ, սակայն եթե համեմատենք այլ առաջնությունների հետ, ապա հայկական թիմի գլխավոր խնդիրը ցածր արագություններն են։ -0-
