ԵՐԵՎԱՆ, 5 փետրվարի. /Նովոստի–Արմենիա/. Նորվեգացի գրոսմայստեր Մագնուս Կառլսենը դարձել է Ցյուրիխում ավարտված շախմատի գերմրցաշարի հաղթողը, հաղորդում է «ՌԻԱ Նովոստին»։
Ինչպես հաղորդում է Ռուսաստանի շախմատի ֆեդերացիայի պաշտոնական կայքը, երեքշաբթի տեղի է ունեցել երկրորդ շրջանը։ Հաղթանակի համար տրվում էր մեկ միավոր, ոչ–ոքիի համար` կես միավոր։ Հայ գրոսմայստեր Լևոն Արոնյանը շատ հզոր մեկնարկեց` հաղթելով առաջին երկու հանդիպումներում, սակայն չկարողացավ հաղթահարել երկու միավորի տարբերությունը, որը գրանցվեց առաջին շրջանից հետո։
Որոշիչը չորրորդ տուրն էր, երբ երկու առաջատարները պարտություն կրեցին։ Կառլսենը պարտվեց իտալացի Ֆաբիանո Կարուանային, իսկ Արոնյանը` ամերիկացի Խիկարու Նակամուրային։ Եզրափակիչ տուրում Կառլսենը հնդիկ Վիշվանաթան Անանդի հետ գրանցեց ոչ–ոքի, ինչի արդյունքում նա զբաղեցրեց առաջին տեղը։
Գերմրցաշարի արդյունքում Կառլսենը 10 միավորով զբաղեցրեց առաջին տեղը, Արոնյանն ու Կարուանան 9,4–ական միավորով` 2–3–րդ տեղերը, Նակամուրան 7,5 միավորով` 4–րդ տեղը, Անանդը 5–րդն էր, իսրայելցի Բորիս Գելֆանդը 4,5 միավորով զբաղեցրեց 6–րդ տեղը։–0–
