Միխայիլ Տալի շախմատի հուշամրցաշարում ակնհայտ ֆավորիտ չկա. փորձագետ

Միխայիլ Տալի աշխարհի ութերորդ առաջնության VI հուշամրցաշարի մասնակիցների աստղային կազմը թույլ չի տալիս մասնակիցներից որևէ մեկին Մոսկվայի մրցաշարի ակնհայտ ֆավորիտ անվանել, «Р-սպորտ» գործակալությանը ասել է Մոսկվայի Շախմատի ֆեդերացիայի (ՄՇՖ) փոխնախագահ, միջազգային գրոսմայստեր Սերգեյ Սմագինը:

Լեգենդար շախմատիստի հուշամրցաշարը կանցկացվի նոյեմբերի 16-25-ը Մոսկվայոմ: Մրցաշարին կմասնակցեն՝ աշխարհի չեմպիոն Վիշվանաթան Անանդը, Մագնուս Կառլսենը, Լևոն Արոնյանը, Վլադիմիր Կրամնիկը, Սերգեյ Կարյակինը, Վասիլի Իվանչուկը, Խիկարու Նակամուրան, Բորիս Գելֆանդը, Պյոտր Սվիդլերը, Յան Նեպոմնյաշչին:

«Դժվար է ասել, թե շախմատիստներից ով է մրցաշարի ֆավորիտը, քանի որ այժմ դժվար է դատել, թե ինչ մարզավիճակում է գտնվում խաղացողներից յուրաքանչյուրը,- հեռախոսով ասել է Սմագինը: -Որ ազգանունն էլ նշես, մրցաշարի հաղթողի հավակնորդ է: Ենթադրում եմ, որ գրեթե յուրաքանչյուր մասնակից՝ որոշակի պայմաններում, կարող է հաղթել մրցույթը, ակնհայտ ֆավորիտ այստեղ չկա»:

Գործակալության թղթակիցը նշել է, որ վերջին մրցաշարներից ելնելով՝ «մի քանի շախմատիստներ լավ մարզավիճակում են գտնվում: «Նրանք  են և Լևոն Արոնյանը, և Վլադիմիր Կրամնիկը, և վերջին առաջնության վերջին փուլերում լավ հանդես եկած Սերգեյ Կարյակինը,- ավելացրել է ՄՇՖ փոխնախագահը: -Ի դեպ, բացառված չէ, որ Հունաստանի (Եվրոպայի առաջնության)  մրցաշարի հաջող ավարտից հետո Արոնյանն ու Կարյակինը կարող են առաջ ընթանալ և վստահորեն անցնել տարածության առաջին մեկ երրորդը»:

«Քանի որ Հունաստանից հետո ընդմիջումն աննշան է եղել, և հաղթական եռանդը երկու շախմատիսների մոտից ոչ մի տեղ չի հեռացել,- կարծում է մասնագետը: -Սակայն հնարավոր հաղթողների մասին առավել մանրամասն հնարավոր կլինի խոսել մեկնարկային փուլերից հետո»:

Նախկինում Միխայիլ Տալի հուշամրցաշարի կրկնակի հաղթող են ճանաչվել Կրամնիկն ու Արոնյանը (2007 և 2009 թվականներին): 2006թ.-ին հայ գրոսմայստերը հունգարացի Պետեր Լեկոյի և ուկրաինացի Ռուսլան Պոնոմարյովի հետ կիսեց առաջին-երրորդ տեղերը, իսկ 2010թ.-ին՝ Կարյակինի և ադրբեջանցի Շահրիար Մահմեդյարովի հետ: 2008թ.-ին մրցաշարի հաղթող ճանաչվեց Իվանչուկը: -0-