Նյու Ջերսիի իշխանությունները պայմանագիր են կնքել «Ֆորմուլա 1»-ի ղեկավարության հետ սկսած 2013 թ.-ից տասը տարի ժամեկտով աշխարհի առաջնության փուլն այդ քաղաքում անցկացնելու վերաբերյալ, տեղեկացրել է նահանգապետ Քրիս Քրիստին, որի խոսքերը մեջբերում է «Ֆրանս Փրես» գործակալությունը:
«Ուրախ եմ, որ մենք կարող ենք 2013 թ.-ին ընդունել «Ֆորմուլա 1»-ի փուլը, այս մրցումն աշխարհի առավել հայտնիներից մեկն է», - ասել է Քրիստին: «5150 մետր երկարություն ունեցող մայրուղին կկառուցվի արդեն գոյություն ունեցող ճանապարհներով՝ Գուդզոն գետի երկայնքով: Մենք ակնկալում ենք, որ ամեն տարի այստեղ կայցելի 100 հազար երկրպագու»:
ԱՄՆ-ն 2007 թ.-ից չի ընդունել «Ֆորմուլա 1»-ի փուլերը, 2007 թ.-ին Ինդիանապոլիսում տեղի է ունեցել վերջին արշավը, հաղորդում է «ՌԻԱ Նովոստին»: 2012 թ.-ին «Ֆորմուլա 1»-ի փուլերից մեկը կանցկացվի Օսթինում (Տեխաս նահանգ):-0-
