Ֆուտբոլի Հայաստանի հավաքականը պահպանում է 70-րդ տեղը ՖԻՖԱ-ի ընթացիկ վարկանիշում

ԵՐԵՎԱՆ, 27 հուլիսի. /Նովոստի-Արմենիա/. Ֆուտբոլի Հայաստանի ազգային հավաքականը ՖԻՖԱ-ի՝ չորեքշաբթի հրապարակված վարկանիշում պահպանում է 70-րդ տեղը, հաղորդում է Ֆուտբոլի միջազգային ֆեդերացիայի պաշտոնական կայքը:

Եվրո-2012 ընտրական խմբի Հայաստանի հավաքականի հակառակորդները հետևյալ կերպ են դասավորվել՝ Ռուսաստանը 17-րդ տեղից իջել է 18-րդ տեղը, Սլովակիան 28-րդ տեղից իջել է 29, Իռլանդիան 31-ից իջել է 33-րդ տեղը, Մակեդոնիան զբաղեցրել է 96-րդ տեղը՝ երկու կետով բարձրանալով, իսկ Անդորրան առաջվա նման մնում է 203-րդ տեղում:

Վարկանիշի առաջատարի դիրքերը պահպանել են ԱԱ-2010-ի եզրափակիչ դուրս եկած իսպանացիները, հոլանդացիները և գերմանացիները:

Հուլիսի 27-ի վարկածով ՖԻՖԱ-ի վարկանիշի առաջին տասնյակը՝

1. Իսպանիա
2. Նիդեռլանդներ
3. Գերմանիա
4. Բրազիլիա
5. Ուրուգվայ
6. Անգլիա 
7. Պորտուգալիա 
8. Իտալիա
9. Խորվաթիա 
10. Արգենտինա
—0—