Էլինա Դանիելյանը պահպանել է առաջատարի դիրքը Գրան պրի շախմատային մրցաշարում

Հայ գրոսմայստեր Էլինա Դանիելյանը պահպանում է ՖԻԴԵ-ի Գրան պրի շարքի մրցաշարի երեք տուրերի առաջատարի դիրքը մինչև վեցերորդ՝ եզրափակիչ փուլ, հաղորդում է մրցաշարի պաշտոնական կայքը։

Երեքշաբթի Դանիելյանը հաղթեց Չժու Չենին (Քաթար) և հավաքեց 6,5 միավոր հնարավոր յոթից, գրում է «ՌԻԱ Նովոստին»։

Մասնակիցների դիրքերը յոթ տուրերի արդյունքներով հետևյալն են՝ Էլինա Դանիելյան (Հայաստան)՝ 6,5 միավոր, Մարի Սեբագ (Ֆրանսիա)՝ 5 միավոր, Համփի Կոներու (Հնդկաստան)՝ 4,5 միավոր, Պիա Կրամլինգ (Շվեդիա), Նանա Ձագնիձե (Վրաստան)՝ 4-ական, Մայա Չիբուդանիձե (Վրաստան)՝ 3,5, Մարտա Ֆյերո (Էկվադոր), Լիլիթ Մկրտչյան (Հայաստան)՝ 3-ական, Բատույագ Մոնգոնտուուլ (Մոնղոլիա)՝ 2,5, Սյույ Յույխուա (Չինաստան), Անտոանետա Ստեֆանովա (Բուլղարիա), Չժու Չեն (Քաթար)՝ 2-ական։

Դոխայում շախմատային մրցաշարը, որի արդյունքներով կորոշվի շախմատային թագի համար չինուհի Խոու Իֆանի հետ խաղի հավակնորդը, կավարտվի մարտի 5-ին։ -0-