Չորեքշաբթի կորոշվեն Ֆուտբոլի չեմպիոնների լիգայի կիսաեզրափակչի զույգերի կազմերը

ԵՐԵՎԱՆ, 9 ապրիլի. /Նովոստի-Արմենիա/. Չորեքշաբթի տեղի կունենան Չեմպիոնների լիգայի ¼ եզրափակչի վերջին հանդիպումները, որից հետո վերջնականապես պարզ կլինի, թե որոնք են առաջնության կիսաեզրափակչի զույգերը, հաղորդում է «ՌԻԱ Նովոստին»։ Պատասխան հանդիպումների ժամանակ Իսպանիայի «Բարսելոնան» «Քամփ Նոույում» կընդունի Գերմանիայի «Շալկեն», իսկ անգլիական «Մենչեսթեր Յունայթեդը» սեփական հարկի տակ կընդունի իտալական «Ռոմային»։

Հռոմում առաջին հանդիպման ժամանակ 0։2 հաշվով պարտություն կրելուց հետո՝ առաջնության հաջորդ փուլ դուրս գալու համար իտալական ակումբը պետք է խոշոր հաշվով հաղթանակ տանի «Մանչեսթեր Յունայթեդի» նկատմամբ։ Դա գրեթե անհնարին կլինի իրականացնել «Օլթ Թրաֆորդ» մարզադաշտում։

Չեմպիոնների լիգայի ընթացիկ առաջնության ժամանակ «Մանչեսթեր Յունայթեդն» ու «Ռոման» հանդիպել են խմբակային փուլում։ Երկու հանդիպումներում էլ անգլիացիների իրենց մրցակցից ավելի ուժեղ էին՝ նույնիսկ մեկ անգամ չթողնելով նրանց հաղթանակ տանել։ Մանչեսթերում դաշտի տերերը խփել են մեկ անպատասխան գնդակ՝ 1։0, իսկ Հռոմում՝ գրանցվել է ոչ-ոքի՝ 1։1։

«Մանչեսթեր Յունայթեդ»-«Ռոմա» հանդիպումը սպասարկելու է նորվեգացի մրցավարների բրիգադը՝ Թոմ-Հենինգ Էվրեբեի գլխավորությամբ։

Օրվա երկրորդ հանդիպման ժամանակ, ըստ երևույթին, ավելի ուժեղ կլինի ֆավորիտը։ Արտագնա խաղում 1։0 հաշիվը լավ հնարավորություն է տվել «Բարսելոնային» երկու հանդիպումների գումարով անցնել «Շալկեին»։ Իսպանական ակումբի օգտին է նաև Եվրոպական գավաթի փլեյ-օֆերի վիճակագրությունը։ Կատալոնական ակումբը 34 անգամ արտագնա խաղերը է սկսել հաղթանակով և միայն երկու դեպքում զիջել է սեփական հարկի տակ պատասխան խաղերում՝ դուրս մնալով առաջնությունից։  

«Բարսելոնա»-«Շալկե» հանդիպումը սպասարկելու է իտալացի մրցավարների բրիգադը՝ Ռոբերտո Ռոզետտիի գլխավորությամբ։

Հանդիպումները Բարսելոնայում և Մանչեսթերում կսկսվեն Երևանի ժամանակով ժամը 23։45-ին։

Երեքշաբթի տեղի կունենան Չեմպիոնների լիգայի ¼ եզրափակչի պատասխան հանդիպումները՝ «Չելսի» (Անգլիա)- «Ֆեներբախչե» (Թուրքիա) և «Լիվերպուլ» (Անգլիա) – «Արսենալ» (Անգլիա)։-0-