Հայաստանի բասկետբոլի ֆեդերացիան հասել է դրական արդյունքների 2006-2008 թթ.-ին
2006-2008 թթ.-ին Հայաստանի բասկետբոլի ֆեդերացիան (ՀԲՖ) հասել է դրական արդյունքների, ասել է ֆեդերացիայի նախագահ Հրաչյա Ռոստոմյանը։
«Երկու տարվա ընթացքում մենք իրագործել ենք մի շարք ծրագրեր և իրականացրել ենք մեծ աշխատանք, որի արդյունքներն արդեն տեսանելի են», - շաբաթ օրը Երևանում ասել է Ռոստոմյանը՝ ներկայացնելով ֆեդերացիայի երկու տարվա գործունեության զեկույցը։
Այս համատեքստում Ռոստոմյանը նշել է ՀԲՖ-ի՝ Բասկետբոլի միջազգային ֆեդերացիայի (FIBA) հետ կապերի հաստատումը։
«FIBA-ի ֆինանսավորման շնորհիվ՝ մեր բասկետբոլիստները կարող են մասնակցել միջազգային մրցաշարերին», - ավելացրել է Ռոստոմյանը։
Բացի դրանից, երկկողմ համագործակցության շրջանակներում վերջին երկու տարվա ընթացքում Հայաստանը ստացել է շուրջ 1500 բասկետբոլի գնդակներ։
Միաժամանակ Ռոստոմյանն ավելացրել է, որ մոտ օրերս ֆեդերացիան կստանա գնդակների նոր մասնաբաժին։ «Այնքան էլ ուշ չէր, երբ մարզերի սպորտային դպրոցներում երեխաները բասկետբոլի գնդակի փոխարեն մարզվում էին ֆուտբոլի գնդակներով։ Այսօր նման խնդիր արդեն չկա», - ասել է նա։
Ֆեդերացիայի նախագահը նշել է, որ 1700 գնդակներ ստանալուց հետո՝ այդ խնդիրը լուծված կլինի։
Բացի դրանից, նրա խոսքերով, 2007 թ.-ին ստեղծվել է Հայաստանի բասկետբոլի ֆեդերացիայի պաշտոնական կայքը՝www.basket.am։
Ռոստոմյանն ավելացրել է, որ երկու տարվա ընթացքում ֆեդերացիան աշխատել է երկու հիմնական ուղղություններով՝ ամրապնդում և զարգացում։
«Մենք փորձել ենք ամրապնդել բասկետբոլի այն կենտրոնները, որոնք գործում են Հայաստանում, ինչպես նաև բացել նորերը», - ավելացրել է Ռոստոմյանը։
Նա տեղեկացրել է, որ այսօրվա դրությամբ բասկետբոլով զբաղվում են Հայաստանի գրեթե բոլոր մարզերում։-0-
