Հայաստանի ֆուտբոլի հավաքականը ՖԻՖԱ-ի վարկանշային աղյուսակում նոյեմբերին իջել է 8 կետով և զբաղեցրել 90-րդ տեղը

ԵՐԵՎԱՆ, 23 նոյեմբերի./Նովոստի-Արմենիա/. Հայաստանի ֆուտբոլի հավաքաականը ՖԻՖԱ-ի նոյեմբեր ամսվա վարկանշային աղյուսակում իջել է 8 կետով և զբաղեցրել 90-րդ տեղը։

ՖԻՖԱ-ի պաշտոնական կայքում տեղադրված տեղեկատվության համաձայն, Հայաստանի թիմն ունի 367 միավոր՝ ընդդեմ այս տարվա հոկտեմբերի ամսվա 400-ի։

Ըստ ՖԻՖԱ-ի վարկանիշային աղյուսակի Վրաստանի և Ադրբեջանի հավաքականները նույնպես զիջում են իրենց դիրքերը։ Այսպիսով, վրացի ֆուտբոլիստներն իջել են վեց կետով և 414 միավորով հայտնվել 77-րդ տեղում։

Ադրբեջանի հավաքականը իջել է երկու կետով և 274 միավորով հայտնվել 118-րդ տեղում։

ՖԻՖԱ-ի վարկանիշային աղյուսակի առաջատարների տասնյակն է (2007թ. հոկտեմբերի դրությամբ).

1. Արգենտինա (1523 միավոր)

2. Բրազիլիա (1502)

3. Իտալիա (1498)

4. Իսպանիա (1349)

5. Գերմանիա (1296)

6. Չեխիա (1290)

7. Ֆրանսիա (1243)

8. Պորտուգալիա (1241)

9. Հոլանդիա (1170)

10. Խորվաթիա (1129)։ 

Համաշխարհային ֆուտբոլի վարկանիշային աղյուսակում ընդհանուր առմամբ ընդգրկված են 199 երկրների հավաքականները։ --0—