Շախմատի Եվրոպայի առաջնության ավարտից երկու փուլ առաջ հայկական երկու թիմերը մտնում են առաջատարների հնգյակ

Հունաստանում անցկացվող Շախմատի Եվրոպայի խմբային առաջնության ավարտից երկու փուլ առաջ Հայաստանի տղամարդկանց թիմը զբաղեցնում է երկրորդ տեղը, իսկ կանանց թիմը կիսում է 3-4 տեղերը։

Ինչպես երկուշաբթի «Նովոստի-Արմենիա» գործակալությանը տեղեկացրեցին Հայաստանի շախմատի ֆեդերացիայից, նախօրեին՝ յոթերրորդ փուլում Հայաստանի տղամարդկանց հավաքականը 2,5։1,5 հաշվով հաղթանակ է տարել Սլովենիայի թիմի նկատմամբ։

Իր թիմի համար միակ հաղթական միավորն է վաստակել Գաբրիել Սարգսյանը՝ Մարկո Տրատարայի հետ խաղում, իսկ Լևոն Արոնյան-Ալեքսանդր Բելյավսկի, Վլադիմիր Հակոբյան-Դուսկո Պավասովիչ, Կարեն Ասրյան-Լուկա Լենիչ հանդիպումներն ավարտվել են ոչ ոքի։

 Հայաստանի և Բուլղարիայի կանանց թիմերի միջև հանդիպումը ավարտվել է հայ շախմատիստների հաղթանակով՝ 3։1։

Էլինա Դանիելյանը հաղթանակ է տարել Անտոանետտա Ստեֆանովայի նկատմամբ, իսկ Նելլի Աղինյանը՝ Մարիյա Վելչևայի նկատմամբ։ Լիլիթ Մկրտչյանն ու Սիրանուշ Անդրեասյանը ոչ ոքի են խաղացել համապատասխանաբար Մարգարիտա Վոյսկայի և Ելիցե Ռաևայի հետ։

Յոթ փուլից հետո խմբայի հաշվով տղամարդկանց առաջնությունում 14 միավորով առաջատարի դիրքը պահպանում է Ռուսաստանը, երեք միավորով նրան է հետևում Հայաստանի թիմը, իսկ Սլովենիան, Իսրայելն ու Ադրբեջանը ունեն 10-ական միավոր։

Կանանց առաջնությունում 12-ական միավորով աղյուսակը գլխավորում են Ռուսաստանն ու Լեհաստանը, երկու միավոր տարբերությամբ նրանց են հետևում Հայաստանի և Նիդեռլանդների հավաքականները։ Վրաստանի, Ուկրաինայի և Հունգարիայի թիմերը ունեն 9-ական միավոր։

Ութերորդ փուլում Հայաստանի տղամարդկանց հավաքականը կհանիդպի Ադրբեջանի հետ, իսկ կանանց հավաքականի մրցակիցը կլինի Լեհաստանը։

Շախմատի Եվրոպայի խմբային առաջնությունը անցկացվում է հոկտեմբերի 27-ից նոյեմբերի 6-ը Հերակլիոն քաղաքում շվեյցարական համակարգով՝ 9 փուլով։ Ժամանակի հսկումը 90 վայրկյան է 40 քայլի համար և 30 վայրկյան՝ մինչև պարտիայի ավարտը՝ յուրաքանչյուր քայլի համար 30 վայրկյանի ավելացմամբ՝ սկսած առաջին քայլից։

Մայրացամաքի լավագույն թիմի կոչումը խաղարկում է տղամարդկանց 40 և կանանց 30 ազգային հավաքական, յուրաքանչյուր թիմ բաղկացած է չորս հիմնական և մեկ պահեստային մասնակցից։-0-