ԵՐԵՎԱՆ, 11 հունիսի./Նովոստի–Արմենիա/. «Արսենալի» կիսապաշտպան և Հայաստանի հավաքականի ավագ Հենրիխ Մխիթարյանը պատմել է, թե ում է երկրպագելու աշխարհի առաջնությունում։
«ԱԱ–2018–ի մեկ ֆավորիտ չկա, բոլոր թիմերն էլ շատ լավ պատրաստված են։ որպես չեմպիոնի հավակնորդ կարող եմ նշել Իսպանիան, Ֆրանսիան և Արգենտինան»,– Մխիթարյանի խոսքն է մեջբերում
sports.ru–ն։
Նա միաժամանակ նշել է, որ «պետք չէ ճնշում գործադրել Ռուսաստանի հավաքականի նկատմամբ»։
«Գիտեմ, որ հավաքականի խաղացողների նկատմամբ լուրջ ճնշում է գործադրվում։ Ռուսները շատ լուրջ են պատրաստվելու»։
Եթե հաղթեն առաջին խաղում, ապա խմբից դուրս գալու գերազանց հնարավորություններ կունենան։ Անձամբ ինքս երկրպագելու եմ Ռուսաստանի հավաքականին և հույս ունեմ, որ փլեյ–օֆ դուրս կգան։ Ռուսաստանը մեծ աշխատանք է կատարել, և դա շատ նկատելի է։
Բոլորը գիտեն, որ իմ տատին ռուս է։ Ինձ շատ է դուր գալիս ռուսական մշակույթն ու պատմությունը։ Ամեն անգամ, երբ գալիս եմ Մոսկվա, խորը զգացումներ եմ ունենում»,– պատմել է Մխիթարյանը։ -0-