Լևոն Արոնյանը չորրորդ տեղն է զբաղեցրել London Chess Classic–ի արդյունքներով

ԵՐԵՎԱՆ, 15 դեկտեմբերի. /Նովսստի–Արմենիա/. Հայ գրոսմայստեր Լևոն Արոնյանը չորրորդ տեղն է զբաղեցրել London Chess Classic շախմատային սուպերմրցաշարի արդյունքներով` նորվեգացի Մագնուս Կարլսենին զիջելով ընդամենը 0.5 միավոր։

Մրցաշարի ավարտը բավականին հետաքրքիր էր` ինը տուրերի արդյունքներով երեք առաջատարներ` Կարլսենը, ֆրանսիացի Մաքսիմ Վաշիե Լագրավը և հոլանդացի Անիշ Գիրին 5.5–ական միավոր են հավաքել, ինչի կապակցությամբ լրացուցիչ տուր է անցկացվել։

Հաշվի առնելով, որ նորվեգացին ցուցադրել է լավագույն լրացուցիչ ցուցանիշները` Վաշիե Լագրավը և Գիրին առանձին խաղ են անցկացրել Կարլսենի հետ հանդիպելու իրավունքի համար։ Հաղթանակը ֆրանսիացունն էր, սակայն եզրափակիչ խաղում զիջեց հոլանդացուն։

London Chess Classic–ն անցկացվել է դեկտեմբերի 4-13–ը շրջանային համակարգով տասը գրոսմայստերների մասնակցությամբ։ -0-