Հայաստանի բասկետբոլի հավաքականի խնդիրը հաղթանակն է Եվրոպայի փոքր երկրների առաջնությունում

ԵՐԵՎԱՆ, 28 դեկտեմբերի. /Նովոստի–Արմենիա/. Հայաստանի բասկետբոլի հավաքականի խնդիրը Եվրոպայի փոքր երկրների առաջնությունում հաղթելն է, Հայաստանի ազգային օլիմպիական կոմիտեի մամուլի ծառայությունում ասաց Բասկետբոլի ֆեդերացիայի գլխավոր քարտուղար Արթուր Նազարյանը։

Հայաստանի բասկետբոլի ազգային հավաքականը 2016 թվականին առաջին անգամ կմասնակցի Եվրոպայի փոքր երկրների տղամարդկանց առաջնությանը։ Այս պահին որոշվել են առաջնության ևս տասը մասնակիցներ` դրանք Անդորրայի, Ադրբեջանի, Ջիբրալթարի, Մալթայի, Մոլդովայի, Մոնակոյի, Նորվեգիայի, Սան Մարինոյի, Շոտլանդիայի և Ուելսի հավաքականներն են։ Առաջնության անցկացման վայրը և մասնակիցների վերջնական ցուցակը կհրապարակվի 2016 թվականի հունվարի 22–ին։

Նազարյանի խոսքով, դեռ օրեր առաջ հավքականի գլխավոր մարզչի պաշտոնում Տիգրան Գյոկչյանի նշանակումից առաջ ֆեդերացիան հայտարարեց, որ Հայաստանի հաղթանակ ենք ակնկալում այդ առաջնությունում։

Նա ավելացրեց նաև, որ հայկական բասկետբոլի գլխավոր ձեռքբերումը 2015 թվականին այն էր, որ Հայաստանն առաջին անգամ մասնակցեց Եվրոպայի В դիվիզիոնի երիտասարդական առաջնությանը։

«Դա ամուր հիմք է, որ հետագայում ազգային հավաքական և կայուն ելույթներ ունենանք միջազգային հարթակներում։ Ձեռքբերում էր նաև մինչև 16 տարեկան աղջիկների հաջող ելույթը С դիվիզիոնում, ինչի արդյունքում կրկին ավելացել է կանանց բասկետբոլի ակտիվությունը։ Չի կարելի չնշել նաև 3x3 բասկետբոլը, որտեղ մեր մինչև 18 տարեկանների հավաքականը Եվրոպայի առաջնության եզրափակչի ուղեգիր է նվաճել։ Ինչ վերաբերում է բացթողումներին, ապա դրանք անխուսափելի են այդքան համեստ հնարավորություններով ֆեդերացիայի համար։ Բարեբախտաբար, բացթողումները չեն ազդել հավաքականի ելույթների վրա»,– ավելացրեց Նազարյանը։

Նա ընդգծեց նաև, որ հունվարի 22–ին կկայանան Եվրոպայի առաջնությունների վիճակահանությունները, որոնցից հետ պարզ կլինի, թե որտեղ հայկական հավաքականը կպատրաստվի Եվրոպայի առաջնություններին և ինչ ժամկետներում։

Միաժամանակ, շարունակվում են բանակցություններն արտասահմանում հանդես եկող հայ բասկետբոլիստների հետ, և մինչև մայիսը ֆեդերացիան պետք է ընդլայնված կազմ ստանա, որից էլ ընտրություն կկատարվի։

«2015 թվականը ցույց տվեց, որ Հայաստանն ընդունակ է լավ արդյունքների հասնել եվրոպական բասկետբոլում»,– ավելացրեց Նազարյանը։ -0-