Հայաստանի հավաքականը մեկ հորիզոնականով իջել է ՖԻՖԱ–ի վարկանիշում

ԵՐԵՎԱՆ, 25 հուլիսի. /Նովոստի–Արմենիա/. Հայաստանի ֆուտբոլի հավաքականը մեկ կետով իջել է ՖԻՖԱ–ի նոր վարկանիշում` զբաղեցնելով 98–րդ հորիզոնականում։

Հայաստանի հավաքականի` Եվրո 2020–ի ընտրական փուլի հակառակորդները վարկանիշում դասավորվել են հետևյալ կերպ` Իտալիա (16-րդ տեղ), Բոսնիա և Հերցեգովինա (42), Հունաստան (54), Ֆինլանդիա (57), Լիխտենշթեյն (182)։

ՖԻՖԱ–ի վարկանիշի առաջին տասնյակը հուլիսի 25–ին ունի հետևյալ տեսքը`

1. Բելգիա
2. Բրազիլիա
3. Ֆրանսիա
4. Անգլիա
5. Ուրուգվայ
6. Պորտուգալիա
7. Խորվաթիա
8. Կոլումբիա
9. Իսպանիա
10. Արգենտինա

Չորրորդ տուրից հետո Հայաստանը 6 միավորով տեղափոխվել է 3–րդ տեղ J խմբում։ Խմբի առաջատարն իտալացիներն են 12 միավորով։ Նրանց երեք միավորով զիջում են ֆինները։

Հույներն ու բոսնիացիներն ունեն չորսական միավոր։ Վերջին տեղում Լիխտենշթեյնի թիմն է 0 միավորով։ -0-