ԵՐԵՎԱՆ, 5 սեպտեմբերի․ /Նովոստի-Արմենիա/․ Հայաստանի Ֆուտբոլի ազգային հավաքականը 2-1 հաշվով պարտվեց Հյուսիսային Մակեդոնիայի ազգային հավաքականի դեմ ՈՒԵՖԱ-ի Ազգերի լիգայի C լիգայի երկրորդ խմբի առաջին տուրի խաղում:
Հանդիպումը տեղի է ունեցել շաբաթ օրը Սկոպյեում:
Загружается новость ...
"Право"
Առաջին խաղակեսից հետո մակեդոնացիներն առաջատար էին 2-0 հաշվով: Հանդիպման երկրորդ խաղակեսում հավելյալ ժամանակում Հայաստանի հավաքականը տուգանային հարվածով փոխեց հաշիվը: Դարպասն իր դիպուկ հարվածով գրավեց երկրորդ խաղակեսում փոխարինման դուրս եկած Տիգրան Բարսեղյանը:
Հայաստանի ազգային հավաքականը սեպտեմբերի 8-ին կընդունի Էստոնիայի թիմին:
Հայաստանի հավաքականի խմբում Ազգերի լիգայի խաղարկության մրցակիցներն են Վրաստանի, Հյուսիսային Մակեդոնիայի և Էստոնիայի հավաքականները: Խմբային փուլի վեց տուրերը կընթանան 2020 թվականի սեպտեմբերից նոյեմբեր: -0-