ԵՐԵՎԱՆ, 22 մայիսի. /Նովոստի-Արմենիա/. Լոնդոնի «Արսենալը», որի կազմում խաղում է Հայաստանի հավաքականի կիսապաշտպան Հենրիխ Մխիթարյանը, մայիսի 9-ին ՈՒԵՖԱ-ի Եվրոպա լիգայի եզրափակչի ուղեգիր է ձևակերպել, որը պետք է կայանա մայիսի 29-ին Բաքվում:
Հաշվի առնելով Հայաստանի և Ադրբեջանի միջև հարաբերությունները, ինչպես նաև հայտնի խնդիրները, որոնց բախվում են հայերն Ադրբեջանում հայտնվելու փորձ ձեռնարկելիս, միանգամից առաջ եկավ եզրափակչին Մխիթարյանի մասնակցության հարցը:
ՈՒԵՖԱ-ն ադրբեջանական կողմից ֆուտբոլիստի համար անվտանգության պաշտոնական երաշխիքներ է պահանջել, որոնք տրամադրվել են: Այնուամենայնիվ, նախօրեին «Արսենալը» պաշտոնապես հայտարարել է, որ մանրամասն ուսումնասիրել է առաջիկա խաղին Մխիթարյանի մասնակցության բոլոր տարբերակները, բայց ֆուտբոլիստի և նրա ընտանիքի հետ հարցի քննարկումից հետո որոշվել է, որ նա չի գնա Բաքու: «Արսենալը» նաև նամակ է գրել ՈՒԵՖԱ-ին և խորը մտահոգություն է հայտնել իրավիճակի կապակցությամբ:
«Դիտարկելով բոլոր ընթացիկ տարբերակները` մենք ստիպված եղանք բարդ որոշում կայացնել, որ ես թիմի հետ չմեկնեմ Եվրոպա լիգայի եզրափակչին»,– նշել է ֆուտբոլիստը։
Նա հայտնել է, որ այս մակարդակի խաղերն այդքան էլ հաճախ չեն լինում ֆուտբոլիստների կյանքում։ «Պետք է խոստովանեմ, որ շատ ցավալի է ինձ բաց թողնել այս խաղը։ Երկրպագելու եմ իմ թիմակիցներին։ Եկեք այս (գավաթը) տուն բերենք»,– գրել է Մխիթարյանը։
Թիմի օժանդակությունը
«Ես այդքան էլ գոհ չեմ: Ստիպված ենք մի խաղացողի թողնել այստեղ, քանի որ նա չի կարող խաղալ եզրափակչում: Կարծում եմ, որ ՈՒԵՖԱ-ում պետք է իմանան այն խնդիրների մասին, որոնք կարող են ծագել երկրում տիրող քաղաքական դրության պատճառով: Երբ մի երկիր խնդիր ունի մյուսի հետ, ապա նրանք չպետք է իրավունք տան եզրափակիչ անցկացնել այդ երկրում: Դա մեզ համար բարդ որոշում էր, քանի որ մենք ուզում ենք, որ Միկին մեզ հետ լինի: Նա կարևոր խաղացող է մեզ համար»,- «Արսենալ»-ի ավագ Լորան Կոսելնիի խոսքն է մեջբերում The
Telegraph-ը` հղում անելով BBC Radio 5-ին:
Բացի այդ, բրիտանական The Sun պարբերականը Twitter-ի իր միկրոբլոգում տեսանյութ է հրապարակել, որտեղ երևում է, թե ինչպես է թիմը ծափահարություններով սատարում Մխիթարյանին:
Загружается новость ...
"Право"
ՈՒԵՖԱ-ի արյունահոսող վերքը և անցյալի ուրվականները
Marca իսպանական մարզական պարբերականը հայ ֆուտբոլիստի իրավիճակի շուրջ հոդված է հրապարակել, որում կատարվածն անվանել է «ՈՒԵՖԱ-ի արյունահոսող վերք»:
«Ընդունող երկիրը քիչ բան է արել նրա համար, որ թաքցնի իր դժգոհությունն անցանկալի այցելուի նկատմամբ, մինչդեռ խաղացողը և նրա ընտանիքը նույնպես չեն պատրաստվում ռիսկի գնալ»,- գրում է պարբերականը:
Marca-ն նշում է, որ թեև գործնական մոտեցումը սկսում է ավելի մեծ դեր խաղալ ՈՒԵՖԱ-ում, կազմակերպությունը պետք է հաշվի առնի ընդունող երկրի ընտրության հետ կապված բոլոր պոտենցիալ խնդիրները:
«Այն փաստը, որ ֆուտբոլիստը չի կարող խաղալ եզրափակչում աշխարհաքաղաքանությունում, ավելի բնորոշ է 1930-ականների, քան ներկա ժամանակաշրջանի համար»,- ասվում է հոդվածում:
Ադրբեջանը .... հիասթափվա՞ծ է
Ադրբեջանի ֆուտբոլային ֆեդերացիաների ասոցիացիաների գլխավոր քարտուղար Էլհան Մամեդովը
360 ալիքին մեկնաբանություն է ներկայացրել Հենրիխ Մխիթարյանի` եզրափակչին չմասնակցելու կապակցությամբ։
«Մենք հիասթափված ենք «Արսենալ» ակումբի այն հայտարարությունից, որ Հենրիխ Մխիթարյանը չի մեկնի Բաքու իր թիմի հետ Եվրոպա լիգայի եզրափակիչ խաղին։ Շատ ենք ափսոսում այդ անարդարացի որոշման առիթով, որը, ինչպես հասկանում ենք, ընդունվել է «Արսենալ» ակումբի, խաղացողի և նրա ընտանիքի հետ համատեղ»,– ասել է Մամեդովը։
Նա ասել է, որ խաղացողն է որոշում կայացրել չմեկնել թիմի հետ, ընդգծելով, որ որպես ընդունող երկիր Ադրբեջանը պատշաճ կերպով տրամադրել է Մխիթարյանի անվտանգության հետ կապաված բոլոր անհրաժեշտ երաշխիքները։ -0-
