ԵՐԵՎԱՆ, 23 դեկտեմբերի. /Նովոստի–Արմենիա/. Հունահռոմեական ոճի ըմբիշ Արթուր Ալեքսանյանը ճանաչվել է Հայաստանի 2015 թվականի լավագույն մարզիկ, հայտնում է Հայաստանի օլիմիպիոկան կոմիտեի պաշտոնական
կայքը։
Արթուր Ալեքանյանն ըմբշամարտի Հայաստանի հավաքականի անդամ է, Օլիմպիական խաղերի բրոնզե մեդալակիր, աշխարհի կրկնակի և Եվրոպայի եռակի չեմպիոն։
Մարզական լրագրողների հանրապետական ֆեդերացիայի հարցման արդյունքներով որոշվեցին 2015 թվականի մրցաշրջանի 10 լավագույն մարզիկները:
«Հարցմանը մասնակցել են մարզական թեմաներով գրող 34 լրագրող: Նրանք Հայաստանի թիվ մեկ մարզիկ են ճանաչել աշխարհի չեմպիոն, հունահռոմեական ոճի ըմբիշ Արթուր Ալեքսանյանին»,– նշվում է հաղորդման մեջ։
Տասը լավագույններն են`
1 . Արթուր Ալեքսանյան՝ հունահռոմեական ոճի ըմբշամարտ, 339 միավոր
2 . Միհրան Հարությունյան՝ հունահռոմեական ոճի ըմբշամարտ, 267
3 . Հարություն Մերդինյան՝ սպորտային մարմնամարզություն, 265
4 . Տիգրան Մարտիրոսյան՝ ծանրամարտ, 231
5 . Արթուր Թովմասյան՝ սպորտային մարմնամարզություն, 113
6 . Արման Երեմյան՝ թաեքվոնդո, 107
7 . Տիգրան Կիրակոսյան՝ սամբո, 106
8 . Արամ Ավագյան՝ բռնցքամարտ, 101
9 . Անդրանիկ Կարապետյան՝ ծանրամարտ, 99
10 . Սմբատ Մարգարյան ծանրամարտ, 95
Ըստ հաղորդագրության, լավագույն թիմ է ճանաչվել Հայաստանի շախմատի տղամարդկանց հավաքականը:
Մարզական լրագրողները հարցաթերթիկներում նշել են ևս 3 մարզիկի անուն. Արթուր Դավթյան (սպորտային մարմնամարզություն, 81 միավոր), Լևոն Արոնյան (շախմատ, 35 միավոր) և Հենրիկ Մխիթարյան (ֆուտբոլ, 31 միավոր): -0-
