ԵՐԵՎԱՆ, 18 օգոստոսի. /Նովոստի–Արմենիա/. Հայ գրոսմայստեր Լևոն Արոնյանը պահպանել է առաջատարի դիրքը Սենթ Լուիսում մեկնարկած կայծակնային շախմատի մրցաշարի առաջին շրջանից հետո։
Մրցաշարին մասնակցում են տասը շախմատիստներ` ռուսներ Յան Նեպոմնյաշչին, Սերգեյ Կարյակինը և Գարի Կասպարովը, ամերիկացիներ Հիկարու Նակամուրան և Ֆաբիանո Կարուանան, հնդիկ Վիշվանաթան Անանդը, չեխ Դավիդ Նավարան, կուբացի Լենիեր Դոմինգեսը, վիետնամացի Լը Կուանգ Լեմը և հայ Արոնյանը։
Օգոստոսի 15-16–ին շախմատիստները մեկ շրջանով արագ շախմատի մրցաշար են անցկացրել, ժամանակի վերահսկողությունը` 25 րոպե գումարած 10 վայրկյան յուրաքանչյուր քայլի համար։
Загружается новость ...
"Право"
Օգոստոսի 17-18–ին անցկացվում են բլիցի մրցումները, մասնակիցները պարտիայի համար հնգական րոպե են ստանում` յուրաքանչյուր քայլի համար երեք վայրկյանի ավելացմամբ։ Ռապիդում հաղթանակի համար հաշվարկվում էր 2 միավոր, ոչ ոքիի համար` մեկ։ Բլիզցում հաղթանակի համար տրվում է մեկ միավոր, ոչ ոքիի համար` 0.5։
Հինգշաբթի առաջին շրջանում Արոնյանը պարտության մատնեց Լը Կուանգ Լեմին, Անանդին, Նեպոմյնաշչիին, Կասպարովին և Դոմինգեսին, ոչ ոքի խաղաց Նակամուրայի, Նավարայի, Կարյակինի հետ և պարտվես Կարուանային։ -0-
