Ֆուտբոլի կանանց ազգային հավաքականների Հայաստան-Վրաստան հանդիպումները չեղարկվել են
11:07
14 Փետրվարի 2022
ԵՐԵՎԱՆ, 14 փետրվարի./Նովոստի-Արմենիա/. Փետրվարի 17-ին և 20-ին կանանց Հայաստանի ազգային հավաքականը Երևանում ընկերական խաղեր պետք է անցկացներ Վրաստանի ընտրանու հետ։
Ինչպես հաղորդում է Հայաստանի ֆուտբոլի ֆեդերացիան, կանանց Վրաստանի ազգային հավաքականում կորոնավիրուսի հաստատված դրական դեպքերի պատճառով թիմը չի ժամանի Հայաստան, և ընկերական խաղերը չեղարկվել են։
Կանանց Հայաստանի ազգային հավաքականը նախապես հրապարակված ծրագրով կշարունակի մարզական հավաքը ՀՖՖ Տեխնիկական կենտրոն/ֆուտբոլի ակադեմիայում:-0-