Եվրոպայի հրաձգության առաջնություն. 15-ամյա Գոռ Խաչատրյանը՝ Եվրոպայի չեմպիոն (ՖՈՏՈ)

ԵՐԵՎԱՆ, 26 փետրվարի./Նովոստի-Արմենիա/. Եվրոպայի հրաձգության առաջնության չեմպիոն է ճանաչվել 15-ամյա Գոռ Խաչատրյանը, հաղորդում է armsport.am-ը՝ հղում անելով ՀԱՕԿ-ի պաշտոնական կայքին:

Լեհաստանի Վրոցլավ քաղաքում անցկացվող Եվրոպայի հրաձգության առաջնության օդամղիչ զենքաձևերում երևանցի Գոռ Խաչատրյանը երիտասարդական առաջնության ծրագրով,  «խառը վազք» մրցաձևում, 20 + 20  կրակոցներով վաստակել է 382 միավոր, միանձնյա գլխավորել մրցաշարային աղյուսակը, նվաճել աշխարհամասի երիտասարդների հաղթողի կոչումը և պարգևատրվել ոսկե մեդալով:

Գոռ Խաչատրյանը նաև լրացրել է միջազգային կարգի սպորտի վարպետի ցուցանիշը: