Հայ սամբիստները Եվրոպայի առաջնությունից վերադարձել են ութ մեդալով

ԵՐԵՎԱՆ, 16 մայիսի. /Նովոստի-Արմենիա/. Հայաստանի մարզիկները մայիսի 12-ից 16-ը ՌԴ Կազան քաղաքում կազմակերպված Սամբոյի Եվրոպայի առաջնությանը նվաճել են 8 մեդալ, հաղորդում է Հայաստանի Սամբոյի ֆեդերացիայի մամուլի ծառայությունը:

Մրցումային առաջին իսկ օրը 52 կգ քաշային կարգում հանդես եկող Տիգրան Կիրակոսյանը (ք. Վանաձոր), գերազանց անցկացնելով բոլոր գոտեմարտերը, եզրափակիչ պայքարում պարտվեց Ռուսաստանը ներկայացնող Վալերի Սորոնկովին՝ արժանանալով արծաթե մեդալի:

90 կգ քաշային կարգում հանդես եկող Էդիկ Պետրոսյանը (ք. Սպիտակ) նվաճեց բրոնզե, իսկ մարտական սամբոյի 57 կգ քաշային կարգում Մխիթար Մխիթարյանը (ք. Սպիտակ) 3-րդ տեղի համար պայքարում հաղթելով ուկրաինացի մարզիկ Բոգդան Բաբեբկոյին՝ նվաճեց բրոնզե մեդալ:

Մրցումային երկրորդ օրը ևս հաջող էր Հայաստանի հավաքականի համար: Հայ մարզիկներից երեքին հաջողվել է նվաճել 3 բրոնզե մեդալներ՝ Մաքսիմ Մանուկյանը (57 կգ, ք. Գյումրի) և Արսեն Ղազարյանը, (74 կգ, ք. Վանաձոր) լավ անցակացնելով գոտեմարտերը, 3-րդ տեղի համար պայքարում արժանացան բրոնզե պարգևների, իսկ մարտական սամբոյի 62 կգ քաշային կարգում հանդես եկով Վահան Նիկոլայանը (ք. Աբովյան), փայլուն հաղթանակ տանելով 3-րդ տեղի համար պայքարում, արժանացավ բրոնզե մեդալի:

Մարտական սամբոյում հանդես եկող Գրիգոր Մխիթարյանը (52 կգ, ք. Գյումրի), եզրափակիչ պայքարում հաղթելով հայազգի Ռուսասատանը ներկայացնող Արտուշ Արսյանին նվաճեց ոսկե մեդալ՝ հռչակվելով 2016 թ. Եվրոպայի չեմպիոն, իսկ 68 կգ քաշային կարգում Վաչիկ Վարդանյանը (ք. Եղվարդ)՝ եզրափակչում զիջելով ռուս մարզիկ Ռուսլան Հասանխանովին, արժանացան արծաթե պարգևների:

Մրցումային վերջին օրը երկու հայ մարզիկներին կրկին անգամ հաջողվեց հաջողության հասնել և նվաճել ևս երկու մեդալ: Մարտական սամբոյում հանդես եկող Գրիգոր Մխիթարյանը (52 կգ, ք. Գյումրի) եզրափակիչ պայքարում պարտվեց հայազգի Ռուսասատանը ներկայացնող Արտուշ Արսյանին, իսկ 68 կգ քաշային կարգում Վաչիկ Վարդանյանը (ք. Եղվարդ), եզրափակչում զիջելով ռուս մարզիկ Ռուսլան Հասանխանովին, արժանացան արծաթե պարգևների:

Այսպիսով, Հայաստանի հավաքականը ընդհանուր առմամբ նվաճել է ութ մեդալ` 1 ոսկե, 2 արծաթե, 5 բրոնզե: -0-