Բռնցքամարտիկ Վլադիմիր Մարգարյանն առաջին հաղթանակն է տոնել Օլիմպիական խաղերում
![Բռնցքամարտիկ Վլադիմիր Մարգարյանն առաջին հաղթանակն է տոնել Օլիմպիական խաղերում Բռնցքամարտիկ Վլադիմիր Մարգարյանն առաջին հաղթանակն է տոնել Օլիմպիական խաղերում](/upload/iblock/add/4xc3lqis2aoe9gafxut9kytx9n8o46za.jpg)
ԵՐԵՎԱՆ, 8 օգոստոսի. /Նովոստի–Արմենիա/. 31-րդ ամառային Օլիմպիական խաղերի մրցումային երկրորդ օրը պայքարի մեջ մտավ բռնքամարտիկ Վլադիմիր Մարգարյանը (69 կգ)։
Մարգարյանի առաջին մրցակիցը Ֆիջիի ներկայացուցիչ Հիլլ Վիսթոնն էր, հաղորդում է ՀԱՕԿ լրատվության բաժինը։
Երեք ռաունդներից հետո Մարգարյանը հաղթեց 3-0 հաշվով։
Հաջորդ մենամարտը հայ բռնցքամարտիկը կանցկացնի կուբացի Ռոնիել Իգլեսիասի հետ։
Վլադիմիր Մարգարյանը ՀԱՕԿ–ին տված հարցազրույցում նշել է, որ ուրախ է հաղթանակի համար, սակայն մենամարտի ընթացքից գոհ չէ։
«Լարվածությունը շատ մեծ էր, քանի որ մեկնարկային մենամարտն էր։ Բայց այս մրցակիցս այդքան էլ բարձր որակներ չուներ։ Հաջորդ մրցակիցս Օլիմպիական չեմպիոն է, և ես միայն հպարտ եմ նրա հետ մրցելու համար։ Ամեն ինչ անելու եմ հաղթելու համար», – նշել է Մարգարյանը։ –0–