ԵՐԵՎԱՆ, 28 հունիսի. /Նովոստի–Արմենիա/. Հայտնի երգչուհի Շակիրան որդիների հետ եկել էր մարզադաշտ` Իսպանիայի հավաքականի պաշտպան Ժերար Պիկեին աջակցելու համար Եվրո–2016–ի 1/8 եզրափակչի շրջանակում Իտալիայի հավաքականի հետ խաղում, գրում է Elle ամսագիրը։
«Շակիրան ամուսնուն աջակցելու էր եկել որդիների` Միլանի և Սաշայի հետ, ովքեր տրիբունայից վանկարկում էին հայրիկի անունը։ Պիկեի ծնողները ևս հուզված հետևում էին խաղին», – նշվում է ամսագրի հոդվածում։
Հայտնի են Եվրոպայի ֆուտբոլի առաջնության քառորդ եզրափակչի բոլոր զույգերը>>
Ցավոք, անգամ նման երկրպագուները չօգնեցին թիմին հաղթել այս խաղում, որն ավարտվեց 2։0 հաշվով` հօգուտ Իտալիայի։ Արդյունքում, Իսպանիայի հավաքականն ավարտեց իր ելույթը Եվրո–2016–ում։
«Հիմա մենք չունենք այնպիսի մակարդակ, որը կար Եվրոպայի և աշխարհի առաջնություններում մեր հաղթանակների ժամանակ։ Թիմում բազմաթիվ լավ ֆուտբոլիստներ ունենք, սակայն չէինք խաղում այն մակարդակի վրա, որպեսզի կրկնեինք նախորդ հաջողությունը։ Շատ երիտասարդ ֆուտբոլիստներ ունենք, ովքեր պետք է փորձ հավաքեն` Ռուսաստանում կայանալիք աշխարհի առաջնությանը հաջող հանդես գալու համար», – թիմի պարտությունը մեկնաբանել է Ժերար Պիկեն։ –0–
