Մոուրինյուն շտապ հանդիպել է Հենրիխ Մխիթարյանի հետ

ԵՐԵՎԱՆ, 12 դեկտեմբերի. /Նովոստի–Արմենիա/. «Մանչեսթեր Յունայթեդի» գլխավոր մարզիչ Ժոզե Մոուրինյուն շտապ հանդիպել է ՄՅՈւ–ի կիսապաշտպան և Հայաստանի հավաքականի ավագ Հենրիխ Մխիթարյանի հետ, գրում է Transfer Market Web հրատարակությունը։


«Եթե «Մանչեսթեր Յունայթեդը» ստիպված լինի վաճառել Մխիթարյանին (կամ առնվազն հանձնել վարձավճարով) հաջորդ տարվա հունվարին, և′ Դորտմունդի «Բորուսիան», և′ Միլանի «Ինտերը», հնարավոր է, փորձեն գնել ֆուտբոլիստին», – նշվում է հոդվածում։

Մխիթարյանը խաղային պրակտիկայի խնդիրներ ունի։ Նա հայտագրված է եղել ՄՅՈւ–ի նախորդ 7 խաղերից միայն մեկում, որի ժամանակ դուրս է եկել փոխարինման։–0–