Արթուր Ալեքսանյանը գլխավորում է Ըմբշամարտի համաշխարհային միության վարկանիշային աղյուսակը

ԵՐԵՎԱՆ, 11 դեկտեմբերի. /Նովոստի–Արմենիա/. Լոնդոնի Օլիմպիական խաղերի բրոնզե մեդալակիր, աշխարհի կրկնակի և Եվրոպայի եռակի չեմպիոն Արթուր Ալեքսանյանը շարունակում է գլխավորել Ըմբշամարտի համաշխարհային միության  (UWW) 98 կգ քաշայինների վարկանիշային աղյուսակը, հաղորդում է Հայաստանի ազգային օլիմպիական կոմիտեի (ԱՕԿ) պաշտոնական կայքը։

Հայաստանի մյուս ներկայացուցիչները վարկանիշային աղյուսակում զբաղեցրել են հետևյալ հորիզոնականները. 59 կգ քաշային Ռոման Ամոյանը 14-րդն է, առաջին Եվրոպական խաղերի փոխչեմպիոն, աշխարհի առաջնության 5-րդ մրցանակակիր Միհրան Հարությունյանը (66 կգ)` 5-րդը, 71 կգ քաշային Վարշամ Բորանյանը զբաղեցնում է 16-րդ հորիզոնականը, 75 կգ քաշային, աշխարհի 2014 թվականի չեմպիոն Արսեն Ջուլֆալակյանը 8-րդ տեղում է, 80 կգ քաշային Էդուարդ Սարգսյանը նույնպես 14-րդն է, 85 կգ քաշային, առաջին Եվրոպական խաղերի 5-րդ մրցանակակիր Մաքսիմ Մանուկյանը 15-րդ տեղում է: