«Զվարթնոց» տաճարում անցկացվում է «Մեր ժամանակների հերոս» մրցանակաբաշխությունը (ՎԻԴԵՈ)
00:54
22 Սեպտեմբերի 2020
ԵՐԵՎԱՆ, 22 սեպտեմբերի․ /Նովոստի-Արմենիա/․ «Զվարթնոց» տաճարում տեղի է ունենում «Մեր ժամանակների հերոսների» մեծարման երկրորդ արարողությունը: Դրան մասնակցում են Հայաստանի վարչապետ Նիկոլ Փաշինյանը, Հայաստանի և Արցախի նախագահներ Արմեն Սարգսյանը և Արայիկ Հարությունյանը, Ամենայն հայոց կաթողիկոս Գարեգին Բ-ն, Ազգային ժողովի նախագահ Արարատ Միրզոյանը, նախարարներ և այլ պաշտոնատար անձինք:
Загружается новость ... "Лево"
Այս տարի, հաշվի առնելով Հայաստանի բնակիչների առջև ծառացած աննախադեպ դժվարությունները, ավանդական մրցանակներին ավելացվեցին ևս հատուկ երկուսը:
Մասնավորապես, կորոնավիրուսի համաճարակի դեմ պայքարող Հայաստանի բոլոր 20 բժշկական կենտրոնների բժիշկներն առաջին մրցանակներ ստացողներն էին: Կորոնավիրուս հաղթահարած Պետրոս Պետրոսյանը մրցանակը հանձնեց «Սուրբ Գրիգոր Լուսավորիչ» բժշկական կենտրոնի «COVID-19» կլինիկայի ղեկավար Սարգիս Ղազարյանին: Հայ-ադրբեջանական սահմանին հուլիսյան սրման ընթացքում ցուցաբերված հերոսության համար հատուկ մրցանակ է շնորհվել զինվորի հավաքական կերպարին: Մրցանակը կփոխանցվի մի ստորաբաժանումից մյուսը, իսկ շնորհվեց այն ժամկետային զինծառայող Նարեկ Հակոբյանին:
«Մեր ժամանակների հերոսը» առաջին մրցանակաբաշխությունը կայացել է 2019թ-ին՝ Հայաստանի Անկախության օրը՝ Գյումրիում:-0-
