Ուշադրություն, վտանգ. հրապարակվել են ճառագայթման ամենաբարձր մակարդակով սմարթֆոնները

ԵՐԵՎԱՆ, 10 փետրվարի./Նովոստի–Արմենիա/. Statista ընկերության փորձագետները ներկայացրել են էլեկտրամագնիսական ճառագայթման ամենաբարձր մակարդակն ունեցող սմարթֆոնների վարկանիշը։ 

Ընկերությունը տվյալները հրապարակել է Twitter–ում, գրում է ՌԲԿ–ն։ 

Վարկանիշում հայտնվել են նաև Apple ամերիկյան կորպորացիայի երկու մոդելները։ Այսպես, 9–րդ տեղում է iPhone 7–ը, որի ճառագայթման մակարդակը կազմում է 1,38 վատտ 1 կգ–ի համար, 14–րդ տեղում iPhone 8–ն է։ 

Ընկերությունը նշում է, որ վարկանիշը կազմելիս փորձագետներն օգտվել են ճառագայթման պաշտպանության գերմանական գերատեսչության տվյալներից։ Նրանք ուսումնասիրել են Apple–ի, Blackberry–ի, Google–ի, HTC–ի, Huawei–ի, Samsung–ի, LG–ի, Motorola–ի, OnePlus–ի, Sony–ի, Xiaomi–ի և ZTE–ի սմարթֆոնները։–0–